Zajaviŭ ich ministr ahrarnaj palityki.
Ukrainskaja małočnaja pradukcyja moža zamianić biełaruskija tavary ŭ Rasii, impart jakich abmiežavali rasijskija ŭłady.
Pra heta zajaviŭ 17 červienia ministr ahrarnaj palityki Ukrainy Juryj Mielnik, paviedamlaje RIA Novosti.
«Ja liču, što siońnia mahčymaść pavieličeńnia ekspartnych pastavak z ukrainskich pradpryjemstvaŭ jość, kali rasijski bok prademanstruje takuju patrebu», — skazaŭ Mielnik.
Pavodle jaho słoŭ, havorka idzie ab pradukcyi prykładna 20 ukrainskich pradpryjemstvaŭ, jakija prajšli inśpiekcyjnuju pravierku rasijskich śpiecyjalistaŭ. «Heta pryblizna 20 pradpryjemstvaŭ, jakija majuć prava na ekspart pradukcyi i pravierany rasijskimi inśpiektarami. Ja dumaju, što albo za košt pavieličeńnia pastavak hetych pradpryjemstvaŭ možna pavialičyć, albo možna prymać rašeńni pa tych pradpryjemstvach, jakija byli prainśpiektavany, ale adnosna jakich pakul nie pryniata rašeńnie», — skazaŭ ukrainski ministr.
Jon vykazaŭ sumnieńnie ŭ tym, što Ukraina pavialičyć impart biełaruskaj małočnaj pradukcyi.
Pavodle jaho słoŭ, na siońniašni dzień taki impart ź Biełarusi stabilny. Razam z tym, dadaŭ ministr, «usio budzie zaležać ad taho, jak adreahuje rynak».
Niekalki hadoŭ tamu Rasija zabaraniła ŭvoz na svaju terytoryju małočnaj i miasnoj pradukcyi z Ukrainy. Tady bakam atrymałasia vyrašyć situacyju, i z taho času padobnych prablem pamiž Kijevam i Maskvoj nie ŭźnikała, adznačaje RIA Novosti.
Ciapier čytajuć
U Minsku kampaniju z 18 čałaviek zatrymali na pikniku ŭ parku4
Kamientary