Hienieralnaja prakuratura paviedamiła ab zaviaršeńni rasśledavańnia i nakiravańni ŭ Minski haradski sud dla vyznačeńnia padsudnaści kryminalnuju spravu ab padbuchtorvańni da razhałošvańnia miedycynskaj tajamnicy i jaje razhałašeńni. Havorka idzie pra žurnalistku Tut.by Kaciarynu Barysievič i aniestezijołaha BCHMD Arcioma Sarokina.
Reliz Hienprakuratury:
«Zhodna z materyjałami spravy Barysievič u pieryjad z 12 pa 13 listapada 2020 hoda ŭ parušeńnie paradku atrymańnia, pradastaŭleńnia i raspaŭsiudžvańnia infarmacyi, jakaja składaje miedycynskuju tajamnicu, biez zhody pacyjenta abo inšych upaŭnavažanych asob u chodzie nieadnarazovych złučeńniaŭ pa sietkach elektrasuviazi z Sarokinym šlacham prośbaŭ i ŭhavoraŭ schiliła jaho da pradastaŭleńnia vusnaj infarmacyi pra pacyjenta balnicy Ramana Bandarenku, jaki prachodziŭ lačeńnie i pamior u pakazanaj ustanovie 12 listapada 2020 hoda, a taksama da pieradačy praź miesiendžar Telegram fotakopij miedycynskaj dakumientacyi Bandarenki.
Pry hetym Barysievič, atrymaŭšy pieršapačatkova admovu ad inšych miedrabotnikaŭ paviedamić pytańni, jakija jaje cikaviać, uśviedamlała, što zapytanaja infarmacyja ŭ adpaviednaści z art. 46 zakona Respubliki Biełaruś «Ab achovie zdaroŭja» składała miedycynskuju tajamnicu, a jana nie źjaŭlałasia asobaj, što maje prava na jaje atrymańnie i raspaŭsiudžvańnie.
Paddaŭšysia ŭhavoram, Sarokin naŭmysna niezakonna razhałosiŭ źviestki ab fakcie pastupleńnia Bandarenki ŭ stacyjanar i stanie jaho zdaroŭja, najaŭnaści zachvorvańnia, dyjahnazie, vynikach miedycynskaha ahladu i inšyja źviestki, u tym liku asabistaha charaktaru.
Barysievič vykarystała atrymanuju ad Sarokina infarmacyju i elektronnyja fatahrafii dakumientaŭ dla padrychtoŭki materyjału, jaki pad zahałoŭkam «Doktar BCHMD: «U Ramana Bandarenki było nul pramile ałkaholu, naohuł ničoha nie znajšli» byŭ raźmieščany 13 listapada 2020 hoda ad jaje imia na internet-partale tut.by.
Raspaŭsiud infarmacyi, u tym liku łžyvaj, nieabmiežavanamu kołu asob i jaje procipastaŭleńnie aficyjnym kamientaram dziaržorhanaŭ vyklikali hramadski rezanans i stvaryli atmaśfieru niedavieru da kampietentnych słužbaŭ. Heta niehatyŭna paŭpłyvała na stan pravaparadku i paciahnuła za saboj ciažkija nastupstvy — pryviało da pavyšeńnia napružanaści ŭ hramadstvie, zaachvociła hramadzian da praviadzieńnia niezakonnych masavych mierapryjemstvaŭ, inšych supraćpraŭnych dziejańniaŭ.
Dziejańni Barysievič kvalifikavanyja pa č. 5 art. 16 («Saŭdzieł u złačynstvie») i č. 3 art. 178 («Razhałašeńnie miedyčnaj tajamnicy») KK Respubliki Biełaruś, Sarokina — pa č. 3 art. 178 KK Respubliki Biełaruś.
U dačynieńni da abvinavačanych miera strymańnia ŭ vyhladzie zaklučeńnia pad vartu pakinutaja bieź źmieny».
178 KK Respubliki Biełaruś: dziejańni, praduhledžanyja častkami 1 abo 2 hetaha artykuła, jakija paciahnuli ciažkija nastupstvy, karajucca pazbaŭleńniem voli na termin da troch hadoŭ sa štrafam i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary