Namieśnik hałoŭnaha redaktara «Presboła» Uładzimir Piroh abviaściŭ pra sychod ź viadučaha spartyŭnaha vydańnia Biełarusi.
«Čamuści ŭspomniŭsia BH i jaho cudoŭny zimovy MTV unplugged u 2018-m: «Doŭha my pisali hety albom. Šmat usiaho było, ab čym i nie skažaš». Ale možna ž i koratka… Tvorčamu kalektyvu «Presboła»: chłopcy, dziakuj za hetyja šalonyja 20 hadoŭ!»- napisaŭ Piroh u fejsbuku.
Raniej pra rašeńnie syści z haziety abviaściŭ žurnalist Siarhiej Mardasievič.
Učora hałoŭny redaktaram «Presboła» byŭ pryznačany čałaviek zvonku Siarhiej Lisičkin, što raniej pracavaŭ u «Spartyŭnaj panaramie» i na ANT.
Uładalnikam 50% akcyj vydańnia źjaŭlajecca Biełaruskaja fiederacyja futboła. Za amal 30-hadovuju historyju «Presboła» jaho ŭznačalvali žurnalisty haziety: Alaksandr Barysievič, Uładzimir Bieražkoŭ, Siarhiej Kajko i Dźmitryj Hierčykaŭ.
Paśla sychodu Hierčykava, jaki ŭznačalvaŭ hazietu ź lipienia, niekalki numaroŭ vychodzili pad kiraŭnictvam namieśnika hałoŭnaha redaktara Dźmitryja Bieleńkaha. Pisałasia, što redakcyja aktyŭna prapanoŭvała kandydataŭ na pasadu hałoŭreda ź liku svaich žurnalistaŭ, adnak nie znajšła razumieńnia ŭ ABFF.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary