Na sustrečy ź Cichanoŭskaj u Vaŭkavysku ludziej zavodziła babula-paetka FOTA, VIDEA
Niahledziačy na niapeŭnaje nadvorje, pasłuchać kandydata ŭ prezidenty Śviatłanu Cichanoŭskuju ŭ 42-tysiačnym Vaŭkavysku pryjšło, pavodle abnoŭlenych źviestak, bolš za 3000 čałaviek. Jak paviedamlajuć karespandenty NN, samaja vialikaja raściažka ŭ natoŭpie vybarščykaŭ — «Svabodu palitviaźniam!».
Paśla Cichanoŭskaj, Kaleśnikavaj i Capkała na scenu vyjšła miascovaja žycharka. Jana nazvała tryumvirat «dziekabrystkami». «Łukašenka plunuŭ ludziam u dušu, kali zahadaŭ ciahnuć buldozieram kryžy ŭ Kurapatach!» — emacyjna skazała jana. Natoŭp adkazaŭ krykami: «Hańba!»
Spadarynia skazała, što nikoli nie cikaviłasia palitykaj, pakul nie vyjšaŭ dekret pra darmajedaŭ. Jon tak jaje aburyŭ, što piensijanierka z hałavoj syšła ŭ hramadskuju dziejnaść. Paśla jana pračytała vierš, jaki narod vitaŭ avacyjami:
My chočym supakoju, nie vajny,
mieć prava čałavieka ŭ krainie,
kab mirna žyć biez zdrady i many,
a ašukanstva ŭłada niachaj zhinie!..
Asablivaść sustrečy ŭ Vaŭkavysku — ludzi nie razychodzilisia paśla abaviazkovych vystupleńniaŭ, pieradajuć karespandenty NN. Ludzi fatahrafavalisia z tryumviratam. «Dziaŭčaty, vy — naša nadzieja», — kazali ŭdzielniki mitynhu.
Pryznačanaja na 15.30 sustreča z kandydatam u prezidenty Śviatłanaj Cichanoŭskaj trochi adkłałasia z-za mocnaha daždžu.
Taksama ŭ płanach kandydata siońnia naviedać Słonim (19.00, stadyjon «Dynama»).
A niekalki hadzin tamu Śviatłanu ejfaryčna vitała Hrodna:
12 tysiač čałaviek ejfaryčna sustreli Cichanoŭskuju ŭ Hrodnie VIDEA, FOTA
Cichanoŭskaja ŭ Hrodnie FOTAREPARTAŽ
Ciapier čytajuć
«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie12
Kamientary