Finansavy machlar, jaki moža viedać formułu «Navička», moža chavacca ad niamieckaha pravasudździa ŭ Biełarusi — ŚMI
Jana Marsaleka šukajuć ciapier ci nie najbolš va ŭsim śviecie. Niamieckaja kampanija Wirecard, jakoj jon kiravaŭ, u minułym miesiacy abvaliłasia paśla taho, jak aŭdytary źviarnuli ŭvahu na dzirku ŭ bałansie ŭ pamiery 2 miljardaŭ jeŭra. 40-hadovy hramadzianin Aŭstryi Jan Marsalek, jaki ličycca klučavym źvianom ašukanskaj schiemy, biasśledna źnik. Sajt daśledčykaŭ Bellingcat piša, što jon vylecieŭ u Biełaruś.
Ułady Hiermanii i Aŭstryi šukajuć Jana Marsaleka pa abvinavačvańni ŭ machlarstvie i rastracie.
Akramia taho, śledčyja vyśvietlili, što rasijskija imihracyjnyja zapisy i źviestki, jakija zachoŭvajucca ŭ FSB Rasii, śviedčać pra toje, što rasijskaja śpiecsłužba daŭno cikaviłasia Marsalekam, jaki vykarystaŭ niekalki roznych pašpartoŭ, u tym liku dypłamatyčny pašpart treciaj krainy dla naviedvańnia Rasii dziasiatki razoŭ za apošnija 15 hadoŭ.
Marsalek taksama vychvalaŭsia, što ŭ jaho była poŭnaja formuła jadu «Navičok», jakim atrucili Skrypaloŭ.
Kali Marsalek staŭ padazravanym u afiory, jon nie staŭ čakać aryštu i palacieŭ ź Niamieččyny. U hutarcy z byłym kaleham, Marsaleka spačuvalna spytali, ci znachodzicca jon u «palityčna stabilnaj abstanoŭcy». Marsalek zaśmiajaŭsia, skazaŭšy: «Nie chvalujciesia, va ŭładzie adny i tyja ž ludzi apošnija 25 hadoŭ».
Daśledniki razhledzieli zapisy ab pierasiačeńni miežaŭ Biełarusi (technična Biełaruś i Rasija majuć ahulnuju źniešniuju miažu, h. zn. baza danych adzinaja). Žurnalisty znajšli adzin zapis Jana Marsaleka: jaho ŭjezd u Biełaruś na pryvatnym samalocie byŭ zarehistravany ŭ pieršyja chviliny 19 červienia 2020 hoda. Pavodle pamiežnych źviestak, jon nie pakinuŭ krainu paśla hetaha.
Kamientary