Rasija vypraboŭvaje elektramahnitnyja harmaty: što heta za zbroja i čym jana strašnaja
Dalokaść harantavanaha źniščeńnia celaŭ rasijskimi elektramahnitnymi harmatami, što prachodziać palihonnyja vyprabavańni, daviedziena da 10 km. Raniej jany mahli efiektyŭna stralać na dystancyju 1-2 km. Pra heta paviedamili tass.ru krynicy ŭ abaronna-pramysłovym kompleksie RF.
Vyprabavańni elektramahnitnaj zbroi iduć z 2015 hoda.
Adna z krynic adznačyła, što «źniščeńnie latalnych aparataŭ na dystancyi ŭ 10 km zabiaśpiečvajecca za košt spalvańnia elektronnych kampanientaŭ ich bartavoj aparatury». Surazmoŭca dadaŭ, što streł elektramahnitnaj harmaty doŭžycca milisiekundy i, uličvajučy adlehłaść da celi, dasiahaje jaje imhnienna, bo elektramahnitnaje vypramieńvańnie pašyrajecca z chutkaściu śviatła.
Krynicy adznačyli, što na vyprabavańniach rasijskija EMV-harmaty spalvali biez mahčymaści adnaŭleńnia roznyja prybory na ziamli, a taksama efiektyŭna źniščali bieśpiłotniki. Pa słovach surazmoŭcaŭ, hałoŭnaj prablemaj takoj zbroi na siońnia zastajecca patreba ŭ vialikich abjomach elektraenierhii, tamu mabilny ŭdarny EMV-kompleks u najbližejšaj pierśpiektyvie stvaryć nie ŭdasca.
Surazmoŭcy taksama rastłumačyli, čym EMV-zbroja roźnicca ad sistem radyjoelektronnaj baraćby (REB). Bolšaść sučasnych kompleksaŭ REB mohuć stvarać pieraškody dla elektroniki praciŭnika na adlehłaści ŭ niekalki sotniaŭ kiłamietraŭ, adnak jany majuć niesuvymierna mienšuju mahutnaść i nie vyvodziać prybory z ładu. EMV-harmaty źniščajuć aparaturu na fizičnym uzroŭni.
U EMV-harmatach vykarystoŭvajecca elektramahnitnaje vypramieńvańnie zvyšvysokaj častaty, taksama zvanaje elektramahnitnym «strełam». Vypramieńvańnie elektramahnitnaj harmaty za doli siekundy razahravaje cel da vielmi vysokich tempieratur.
Takoj zbrojaj, u pryvatnaści, płanujecca abstaloŭvać bieśpiłotny varyjant źniščalnika 6-ha pakaleńnia. Na piłatavanym samalocie elektramahnitnuju zbroju ŭžyvać niebiaśpiečna, bo jana moža zaškodzić ułasnamu lotčyku.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary