Fielčara chutkaj dapamohi ŭ Lidzie Paŭła Palejčyka asudzili na siem sutak. Zatrymali jaho ŭ čaćvier uviečary. Raniej, 22 krasavika, miedyk udzielničaŭ na sustrečy z aŭtaram Youtube-kanału «Strana dla žiźni» Siarhiejem Cichanoŭskim, dzie vykazaŭsia pra epidemiju ŭ horadzie i situacyju ŭ balnicy.
Infarmacyju paćvierdziła žonka Paŭła Julija (jana taksama pracuje ŭ Lidskaj rajonnaj balnicy):
«Dali 7 sutak. Za što, nie viedaju. Ja na sudzie nie była, doma ź dziećmi», — raskazała jana.
Paŭłu 26 hadoŭ. Na chutkaj u Lidzie jon pracuje z 2014 hoda. Paśla zakančeńnia Słonimskaha miedycynskaha kaledža hod adpracavaŭ dyśpietčaram, zatym fielčaram reanimacyi. U intervju «Svabodzie» Pavieł śćviardžaŭ, što kiraŭnictva nikoli nie mieła pretenzij da jaho pracy, ale paśla vystupu ŭ Cichanoŭskaha pačaŭsia cisk.
«Strach, što tvorycca… Była situacyja ŭ nas — adpravili bryhadu na padazreńnie z karanavirusam u palčatkach i maskach, biez kaściumaŭ. Ad zahadčycy było ŭkazańnie, kab nie stvarali paniku ŭ nasielnictva. Vyjechali…
Ja vykazaŭsia — mianie źniali z reanimacyi, pasadzili dyśpietčaram, typu zatknuli rot.
Miedykam ničoha nie chapaje. Pulsaksimietraŭ na chutkaj — adzin-dva», — raspavioŭ u žyvym efiry ŭ Cichanoŭskaha fielčar.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary