Фельчара хуткай дапамогі ў Лідзе Паўла Палейчыка асудзілі на сем сутак. Затрымалі яго ў чацвер увечары. Раней, 22 красавіка, медык удзельнічаў на сустрэчы з аўтарам Youtube-каналу «Страна для жизни» Сяргеем Ціханоўскім, дзе выказаўся пра эпідэмію ў горадзе і сітуацыю ў бальніцы.
Інфармацыю пацвердзіла жонка Паўла Юлія (яна таксама працуе ў Лідскай раённай бальніцы):
«Далі 7 сутак. За што, не ведаю. Я на судзе не была, дома з дзецьмі», — расказала яна.
Паўлу 26 гадоў. На хуткай у Лідзе ён працуе з 2014 года. Пасля заканчэння Слонімскага медыцынскага каледжа год адпрацаваў дыспетчарам, затым фельчарам рэанімацыі. У інтэрв'ю «Свабодзе» Павел сцвярджаў, што кіраўніцтва ніколі не мела прэтэнзій да яго працы, але пасля выступу ў Ціханоўскага пачаўся ціск.
«Страх, што творыцца… Была сітуацыя ў нас — адправілі брыгаду на падазрэнне з каранавірусам у пальчатках і масках, без касцюмаў. Ад загадчыцы было ўказанне, каб не стваралі паніку ў насельніцтва. Выехалі…
Я выказаўся — мяне знялі з рэанімацыі, пасадзілі дыспетчарам, тыпу заткнулі рот.
Медыкам нічога не хапае. Пульсаксіметраў на хуткай — адзін-два», — распавёў у жывым эфіры ў Ціханоўскага фельчар.
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія14
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары