Rasijski śpiavak Leŭ Leščanka, jaki prachodziŭ lačeńnie ad karanavirusa ŭ infiekcyjnaj balnicy ŭ Kamunarcy (Maskva), paviedamiŭ RBK pra svajo vyzdaraŭleńnie i płany vypisacca ź miedycynskaj ustanovy.
«Ja nikomu nie davaŭ kamientaroŭ i nie zdymaŭ słuchaŭku, pakolki było vielmi šmat niezrazumiełaha. Ale siońnia ja vypisvajusia, usie testy ŭ mianie admoŭnyja, i virusa niama. A 17 hadzinie ja ŭžo vyjdu adsiul i budu dalečvacca doma», — skazaŭ Leščanka RBK.
Leščanku špitalizavali z dvuchbakovaj pnieŭmanijaj u balnicu ŭ Kamunarcy 24 sakavika, u miedycynski centr jon pastupiŭ razam z žonkaj. U siaredzinie sakavika jany byli ŭ pajezdcy ŭ ZŠA.
Paźniej hałoŭny ŭrač balnicy Dzianis Pracenka paviedamiŭ, što ŭ śpievaka paćvierdziŭsia karanavirus. Leščanka źmiaščali ŭ reanimacyju z-za dychavicy i nizkich pakazčykaŭ aksihienacyi kryvi, ale 27 sakavika jaho stan stabilizavaŭsia, jaho pieraviali ŭ zvyčajnuju pałatu.
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały4
Kamientary