Pahladzicie na limitavanuju kalekcyju hadzińnikaŭ Hvilina «Zorka Vieniera»
5 sakavika kiraŭniki biełaruskaj hadzińnikavaj manufaktury Hvilina i kramy Zorka Venera damovilisia pra sumiesny vypusk limitavanaj kalekcyi hadzińnikaŭ «Zorka Vieniera».
Piać asablivaściaŭ «Zorki Vieniery»:
1. Na cyfierbłacie namalavanyja nie prosta zorki — heta suzorji, jakija źziajuć u ciemry: Małaja miadźviedzica, Cmok i Cefiej z Palarnaj zorkaj u centry. Na zadnim viečku simietryčna adlustravany ŭvieś načny niebaschił z charaktarystykami hadzińnika na biełaruskaj łacincy.
2. Dla jašče bolšaha pahłybleńnia ŭ kaśmičnuju i płanietarnuju tematyku cyfierbłat padzieleny na 24 hadziny, zamiest zvykłych 12, i składajecca ź dźviuch asnoŭnych častak: dzionnaj i načnoj. Na pravaj častcy adlustravany łahatypy dźviuch kampanij, na levaj — zornaje nieba i kalandar.
3. Na kancy strełki źmiaščajecca stylizavanaja płanieta Vieniera, jakaja ŭ viačerni i načny čas źjaŭlajecca na niebaschile cyfierbłata.
4. Adnak asnoŭnaj asablivaściu hadzińnika źjaŭlajecca zrušeńnie kłasičnaha cyfierbłata na 90 hradusaŭ adnosna standartnaha raźmiaščeńnia. Dzialeńnie na 12:00 śvietłavoha dnia raźmiaščajecca nasuprać kalendara 00:00.
5. Hadzińniki buduć vykananyja na bazie kvarcavaha šviejcarskaha miechanizmu. Korpus ź nieržaviejučaj stali, škło minieralnaje, zahartavanaje. Vodaniepranikalnaść — 30 mietraŭ. Luminafor na strełcy i na cyfierbłacie daść niezvyčajnaje śviačeńnie elemientaŭ u ciomny čas sutak. Ramieńčyk zrobleny z naturalnaj skury. Habaryty: dyjamietr 43,4 mm, taŭščynia 9,5 mm, šyrynia ramieńčyka 22 mm.
«My rady supracoŭnictvu z takoj kreatyŭnaj kamandaj, jak Zorka Venera. Upeŭnienyja, što naša partniorstva budzie plonnym. Nam adrazu padałasia cikavaj pierśpiektyva takoj kałabaracyi i spadabałasia stvoranaja chłopcami kancepcyja, jakuju, jak nam zdajecca, udałosia paśpiachova ŭvasobić u žyćcio. My zaŭsiody rady i adkryty da takich prajektaŭ», — adznačyŭ dyrektar hadzińnikavaj manufaktury Hvilina Andrej Haraŭski.
«My vielmi rady pačatku supracoŭnictva z kampanijaj Hvilina. Ideja stvareńnia dadzienaj kancepcyi naradziłasia ŭ nas daŭno. Dyzajn byŭ raspracavany našymi partniorami z Hvilina. Usiaho płanujecca vypuścić 300 sinich i 300 čornych ekzemplaraŭ. Nabyć ich možna budzie ŭ našaj kramie i ŭ internet-kramie kampanii Hvilina», — skazaŭ dyrektar kramy Zorka Venera Vasil Bialko.
U prodažy limitavanaja kalekcyja źjavicca ŭ pačatku červienia. Pakinuć zajaŭku na pieradzamovu možna ŭžo ciapier na sajcie.
-
Dastaŭščyk ježy «Jandeks» u Maskvie zaśpiavaŭ na vulicy i staŭ zorkaj — im akazaŭsia chłopiec z Bresta
-
Biełarusy zdymajuć vohniennyja parodyi na rolik sa školnikam, jaki pałoŭ bulbu — dałučylisia ratavalniki, mietrapaliten i «Kupałaŭcy» VIDEA
-
«Ja až spałochaŭsia, realna». Biełarusy znajšli ŭ lesie hihancki baravik
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali4
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary