Na radzimie Karatkieviča projdzie maštabny fest ź vieršami, śpievami i ŭnikalnaj mahčymaściu trapić u dom piśmieńnika
Biełaruski PEN-Centr i Aršanskaja filija Tavarystva biełaruskaj movy zaprašajuć na «vandroŭny» Fiestyval Uładzimira Karatkieviča, jaki sioleta projdzie 30 listapada ŭ Smalanach i Oršy. Naviednikaŭ čakajuć kulturnickija padziei, u jakich voźmuć udzieł dziejačy kultury z usioj krainy, ale najpierš tvorcy z Aršanščyny. Fiestyval prymierkavany da dnia naradžeńnia horača lubimaha biełarusami kłasika XX stahodździa. Ekskursii, hutarki pra tvorčuju spadčynu Karatkieviča, vieršy, proza, śpievy i vydatnyja knižki dla ŭsich achvočych dałučycca!
Raskład padziej fiestyvalu
10:00 — ekskursija pa Smalanach ad krajaznaŭca Viktara Miaževiča. Bałotny zamak Bieły Koviel, ruiny Daminikanskaha kaścioła i klaštara, carkva Śviatoha Spasa (draŭlanaje baroka). Pramova Iryny Dubianieckaj na mahile Tamaša Zana. Zbor na centralnaj płoščy kala daminikanskich ruinaŭ.
14:30 — ekskursija pa Oršy Uładzimira Karatkieviča ad piśmieńnicy Paliny Kačatkovaj. Ahlad doma Karatkieviča, jaki budzie adkryty dla publiki ŭ dzień fiestyvalu. Zbor na «nulavym kiłamietry» ŭ pačatku vulicy Karatkieviča.
16:00 — «Biełaruś, pračynajsia! Ja ciabie abudžaju!»: dyskusija ab roli Uładzimira Karatkieviča ŭ farmavańni novaj identyčnaści biełarusaŭ. Uładzimir Arłoŭ, Pavieł Barkoŭski, Palina Kačatkova, Jury Nahorny. Maderatarka Iryna Dubianieckaja. Kaviarnia «Zamkavaja» ŭ budynku Jezuickaha kalehiuma (vuł. Lenina, 6a, Orša).
17:00 — 20:00: litaraturna-muzyčnaja impreza. Uładzimir Arłoŭ, Źmicier Dziadzienka, Jaŭhienija Kazłova, Nasta Kudasava, Alaksandr Makarevič, Maryja Martysievič, Taćciana Niadbaj, Anton Rudak, Usievaład Ścieburaka, Andrej Chadanovič, Siarhiej Šamatulski. Pieśni Sieržuka Doŭhušava na vieršy Karatkieviča. Kaviarnia «Zamkavaja» ŭ budynku Jezuickaha kalehiuma (vuł. Lenina, 6a, Orša).
U miežach viečaryny adbudziecca prezientacyja prajektu «Vandroŭnaja kniharnia» ad Alaksandry Łohvinavaj. Padčas fiestyvalu možna budzie nabyć knihi biełaruskich i zamiežnych aŭtaraŭ ad vydaviectva «Łohvinaŭ». Taksama naviednikaŭ čakajuć knihi kłasikaŭ i sučaśnikaŭ ad kniharni «Akademkniha».
Uvachod na ŭsie padziei volny.
Miarkujecca, što Fiestyval Uładzimira Karatkieviča stanie štohadovym, i ŭ 2020 hodzie, da 90-hadovaha jubileju piśmieńnika, projdzie z bolšym razmacham.
Ideja fiestyvalu: Iryna Dubianieckaja, Palina Kačatkova, Jury Nahorny, Alena Tankačova.
Kantakty: [email protected] (z paznakaj: «Fiestyval Karatkieviča»), +375293465792 (Palina Kačatkova).
Kamientary