Nabyć kvitki možna praz našu Afišu.
8 žniŭnia ŭ prakat vyjdzie 9-y film Tarancina. Toj samy, dziela jakoha na dźvie nočy pierakryvali Halivudski bulvar, kab adśniać sceny, dzie Klif But (Bred Pit) prajazdžaje na mašynie. A praz try miesiacy pierakryvali znoŭ, kab źniać, jak jon viartajecca nazad.
Film apaviadaje pra padziei, jakija adbylisia ŭ Halivudzie ŭ 1969 hodzie, na zachadzie jaho «załatoha stahodździa». Pa siužecie, viadomy akcior Ryk Dałtan (Leanarda DyKaprya) i jaho dublor Klif But (Bred Pit) sprabujuć znajści svajo miesca ŭ imklivym śviecie kinaindustryi.
Film atrymaŭsia vielmi atmaśfierny. Vidać, što była praviedziena vialikaja praca nad kaściumami, dekaracyjami, vobrazami. Usio pradumana i zroblena da drabniutkich detalaŭ, tamu nazirać za tym, što adbyvajecca na ekranie, budzie vielmi i vielmi pryjemna.
Pryjemna budzie pahladzieć i na pa-sapraŭdnamu zorny akciorski skład. Hałoŭnyja roli tut vykonvajuć Leanarda DyKaprya (Ryk Dałtan), Bred Pit (Klif But) i Marho Robi (Šeran Tejt).
Humar filma ŭ styli Tarancina: chapaje pryjemnych žartaŭ, ale čorny humar pieramahaje (pa kolkaści).
Ahułam film atrymaŭ 84/100 na Metacritic i šmat stanoŭčych vodhukaŭ na inšych partałach. Siarod jakich jość i tyja, što śćviardžajuć, što «Adnojčy… u Halivudzie» — samy dziŭny z usich filmaŭ Tarancina.
Čamu? Pabačym 8 žniŭnia.
A pierad tym, jak iści ŭ kino, raim pačytać našu najkłaśniejšuju recenziju:
And away we go! Malaŭničyja paminki pa Halivudzie ŭ filmie «Adnojčy ŭ Halivudzie»
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary