U Aŭstryi kančatkova vyrašyli los doma, dzie naradziŭsia Hitler
Viarchoŭnaja sudovaja pałata Aŭstryi kančatkova vyniesła rašeńnie nacyjanalizavać dom u horadzie Braŭnaŭ-na-Inie, dzie naradziŭsia i da troch hadoŭ žyŭ Adolf Hitler, paviedamlaje DW.
Rašeńnie vynieśli paśla šmathadovych sprečak z eks-uładalnicaj doma. Viarchoŭnaja sudovaja pałata Aŭstryi jašče raz paćvierdziła pravamocnaść zakona ab nacyjanalizacyi doma, jaki byŭ pryniaty ŭ 2016 hodzie. A taksama admianiła rašeńnie nižejšaj sudovaj instancyi ab vypłacie jaho byłoj uładalnicy kampiensacyi ŭ pamiery 1,5 miljona jeŭra.
Rašeńnie ab nacyjanalizacyi doma było pryniata ŭradam i paćvierdžana parłamientam Aŭstryi. U im havaryłasia pra nieabchodnaść vyklučyć lubuju mahčymaść vykarystańnia doma Hitlera ŭ metach prapahandy idej nacyjanał-sacyjalizmu.
Eks-uładalnicy zapłacili kala 810 tysiač jeŭra. Tak acanili košt doma ekśpierty. 68-hadovaja žančyna źviarnułasia ŭ sud, dzie zapatrabavała paŭtara miljona jeŭra, uličvajučy «asablivaje histaryčnaje značeńnie» doma. Sud nižejšaj instancyi spačatku pryniaŭ jaje bok, adnak vyšejšaja instancyja admianiła hetaje rašeńnie.
Dom kardynalna pierabudujuć. Dla hetaha budzie praviedzieny architekturny konkurs. Znos doma nie razhladajecca, bo jon źjaŭlajecca pomnikam architektury XVII stahodździa.
-
«Šanoŭnyja siabry, dziakuju vam za padtrymku». Rasijski błohier Illa Varłamaŭ u intervju zhadaŭ Biełaruś i biełaruskuju movu
-
Błohierka, što pierajechała ź Piciera pad Minsk, skardzicca, što nivodzin zabudoŭščyk nie źviarnuŭsia da jaje pa rekłamu
-
Staražytnyja suśliki jeli miasa mamantaŭ. Dokaz znajšli ŭ ich kakaškach
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary