Jevanhielična-luteranskaja carkva Finlandyi vyrašyła paŭdzielničać u ŁHBT-maršy
U Finlandyi jevanhielična-luteranskaja carkva vyrašyła ŭziać udzieł u ŁHBT-maršy — Helsinki Pride, paviedamlaje finskaja teleradyjokampanija Yle.
Rašeńnie carkvy prakamientavała byłaja ministr unutranych spraŭ Finlandyi i eks-kiraŭnica Chryścijanskich demakrataŭ Piajvi Rasianien, vykazaŭšy svaju zaniepakojenaść.
«Ideałahičnaj metaj mierapryjemstva Pride źjaŭlajecca hordaść za adnosiny, jakija ŭ Biblii paśladoŭna charaktaryzujucca jak hrachoŭnyja i supiarečać voli Boha», — zajaviła Rasianien.
Paśla apublikavańnia jaje krytyki ad carkvy na praciahu adnaho dnia adraklisia 350 čałaviek.
Na list Rasianien adkazaŭ arcybiskup jevanhielična-luteranskaj carkvy Tapio Łuoma.
«Havorka nie idzie pra vykazvańnie pazicyi pa zakonie ab šlubie, a pra toje, što paviedamleńnie carkvy nakiravana na ŭsich. Schod biskupaŭ u svaim dakładzie ab šlubie adznačaje, što carkva naležyć usim, i adnapołyja pary zaŭsiody žadanyja hości ŭ carkvie», — zajaviŭ arcybiskup.
Jevanhielična-luteranskaja carkva Finlandyi — najbujniejšaja ŭ krainie, jaje parafijanami źjaŭlajucca 76,4% žycharoŭ Finlandyi.
Adnapołyja šluby źjaŭlajucca zakonnymi ŭ Finlandyi z 2017 hoda.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca2
Kamientary