U Rasii znoŭ abvinavacili krainy Bałtyi i Finlandyju ŭ dapamozie Ukrainie pry atakach na bałtyjskija party
Pamočnik prezidenta Rasii Mikałaj Patrušaŭ zajaviŭ u intervju «Rośsijskoj hazietie», što susiednija z Rasijaj krainy NATA nibyta ŭdzielničajuć u atakach ukrainskich bieśpiłotnikaŭ na rasijskija party ŭ Bałtyjskim mory.
Pa słovach Patrušava, drony na rasijskija party nibyta mohuć zapuskacca nie tolki z terytoryi Ukrainy, ale i z sudnaŭ u mory. Jon adznačyŭ, što adlehłaść ad paŭnočnaj miažy Ukrainy da Leninhradskaj vobłaści vielmi vialikaja, tamu takija paloty patrabujuć zahadzia spłanavanaha maršrutu i, jak jon ličyć, zhody krain, nad jakimi jany prachodziać.
Patrušaŭ taksama śćviardžaje, što ŭ Estonii žycharoŭ nibyta papiaredžvajuć pra mahčymaje źjaŭleńnie dronaŭ — praz SMS i infarmacyjnyja materyjały. Jon zhadaŭ i Finlandyju, dzie, pavodle jaho, znachodziać abłomki bieśpiłotnikaŭ, i jakaja, jak jon skazaŭ, nie patrabuje ad Ukrainy spynić udary pa rasijskaj terytoryi.
Raniej rasijskaje MZS vykazała niezadavolenaść u suviazi z tym, što krainy Bałtyi nibyta adkryli svaju pavietranuju prastoru dla ŭkrainskich dronaŭ. Adnak Estonija, Łatvija i Litva heta admaŭlajuć i zajaŭlajuć, što nikoli nie dazvalali vykarystoŭvać svaju terytoryju abo pavietranuju prastoru dla atak na Rasiju.
Padstavaj dla takich zajaŭ stali niadaŭnija ataki na party ŭ Leninhradskaj vobłaści. U vyniku adnaho ź incydentaŭ byli źbityja niekalki dziasiatkaŭ bieśpiłotnikaŭ, a ich abłomki paškodzili naftapravod kala porta Prymorsk. Taksama paviedamlałasia pra pažary ŭ porcie Uść-Łuha paśla ataki dronaŭ. Heta ŭsio akazała vialikaje ŭździejańnie na techničnyja mahčymaści Rasii pa eksparcie vuhlevadarodaŭ.
Deficyt srodkaŭ SPA ci abchadnyja maršruty: čamu abjekty ŭ Rasii pastajanna ciarpiać ad udaraŭ USU
USU znoŭ atakavali port Uść-Łuha: paškodžanyja try reziervuary
Naftapravod u rajonie Prymorska paškodžany nočču dronami. Party Uść-Łuha i Prymorsk druhi tydzień nie prymajuć naftu
U vyniku atak na port va Uść-Łuzie paškodžany terminał dla zahruzki nafty
Pažary ŭ rasijskich partach. Što paciarpieła ad udaraŭ ukrainskich bieśpiłotnikaŭ
Ukrainskija ŭdary pa partach paralizavali amal pałovu rasijskaha naftavaha ekspartu
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary