Zasnavalnika Symbal.bu Paŭła Biełavusa pieraviali ŭ mahiloŭskuju turmu
Pavodle infarmacyi byłych palitviaźniaŭ, u lutym Paŭła pieraviali biez rečaŭ i bieź birki ŭ mahiloŭskuju turmu №4. Jość vierahodnaść, što ŭ dačynieńni da jaho raspačali novuju spravu, piša «Viasna».
Pavieł Biełavus viadomy ŭ Biełarusi jak kulturnicki mieniedžar, zasnavalnik i były dyrektar placoŭki «Art Siadziba». Jaho zatrymali ŭ listapadzie 2021 hodu i paśla 45 dzion administracyjnych aryštaŭ zaviali kryminalnuju spravu.
Pa artykule za «zdradu dziaržavie» jon atrymaŭ vialiki termin — 10 hadoŭ i štraf sumaj 500 bazavych adzinak (18,5 tysiačy rubloŭ). Akramia taho, jaho pryznali vinavatym u arhanizacyi hrupavych dziejańniaŭ, što parušajuć hramadski paradak, i prysudzili za heta try hady kałonii. Za publičnyja zakliki da zachopu ŭłady — čatyry hady, za kiraŭnictva ekstremisckim farmavańniem — čatyry hady pazbaŭleńnia voli.
Ahułam łukašenkaŭski sud pryznačyŭ pakarańnie Paŭłu Biełavusu ŭ vyhladzie 13 hadoŭ pazbaŭleńnia voli.
Paŭłu Biełavusu ciapier 38 hadoŭ. Na voli palitviaźnia čakajuć žonka i dvoje dziaciej.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary