Žychar Homiela patrabuje prybrać zapis ab baćkoŭstvie z pašparta
Žychar Homiela daviedaŭsia, što nie źjaŭlajecca bijałahičnym baćkam syna. Dalej adbyŭsia razvod, a ciapier mužčyna płanuje anuliravać i źviestki ab baćkoŭstvie.
Pa słovach Juryja, žonka zaciažarała ŭžo ŭ šlubie. Mienavita tamu ŭ svaim baćkoŭstvie mužčyna nikoli nie sumniavaŭsia.
«Ale niadaŭna vypadkova vyśviatliłasia — ja nie bijałahičny baćka synu, što paćvierdziła i hienietyčnaja ekśpiertyza», — piša homielskaje vydańnie «Biełka».
Z maci dziciaci mužčyna bolš nie ŭ šlubie. A ciapier Juryj choča anulavać baćkoŭstva i prybrać adznaku z pašparta.
Pa kamientar žurnalisty źviarnulisia ŭ zahs. Tam paćvierdzili: takija vypadki ŭ praktycy — nie redkaść.
«Zrabić heta možna, ale tolki ŭ sudovym paradku. Sud pavinien vynieści rašeńnie ab vyklučeńni źviestak ab baćku dziciaci z akta zapisu naradžeńnia. Ab hetym abaviazkova budzie paviedamleny orhan, dzie zapis byŭ zrobleny. Paśla treba źviarnucca ŭ zahs z pašpartam — adznaka ab baćkoŭstvie budzie anulavanaja», — raskazała načalnik zahsa Savieckaha rajona Homiela Volha Niavierava.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary