Vy ździviciesia, jak usio padaražeła.
Čytačka vydańnia «Točka» padzialiłasia čekami, jakija staranna źbirała niekalki hadoŭ. Uzbroiŭšysia naboram čekaŭ z 2020—2021 hadoŭ, karespandenty adpravilisia ŭ papularnuju handlovuju sietku, kab vyvučyć, što i na kolki padaražeła, a što i zusim źnikła z prodažu.
Prybirańnie, prańnie, pobyt
Projdziemsia pa asnoŭnaj pradukcyi, jakaja jość u śpisie pakupak u kožnaj haspadyni, — srodki dla prańnia.
Vadki «Piersił» (1,3 ł) piać hadoŭ tamu kaštavaŭ 19,79 rubla. Zaraz z ulikam źnižki — 21,99 rubla, a biez akcyi i zusim 31,14 rubla.
Jašče ŭ čekach znajšli anałahičny pradukt pad brendam «Łaska» za 9,57 rubla. Jaho ciapier možna kupić za 12,99 rubla, ale heta taksama z ulikam čyrvonaha ceńnika, poŭnaja cana — 18,79 rubla.
U 2020 hodzie my mahli kupić srodak dla čystki Domestos (1 ł) za 7,59 rubla. Zaraz jon kaštuje 11,99 rubla, ale pašancavała: na akcyi — 7,99 rubla.
Srodak suprać nakipu «Ałhon» u 2021‑m kaštavaŭ 1,99 rubla. Padaražeŭ jon nie istotna — usiaho na 60 kapiejek.
Sałfietki hubčatyja dla prybirańnia 4Season (3 št.) tady kaštavali ŭsiaho 1,49 rubla, a ciapier — u dva razy daražej.
Folha dla zapiakańnia ŭ 2021‑m abyšłasia ŭ 2,89 rubla. Takoj ža marki nie znajšli, ale ciapier samy tanny varyjant (10 mietraŭ) budzie kaštavać 5,99 rubla.
Dohlad i hihijena
Šampuń Fructis «Sos Adnaŭleńnie» piać hadoŭ tamu kaštavaŭ 8,09 rubla, anałahičny balzam — stolki ž. Siońnia takija pradukty z 30%-j źnižkaj — užo 10,84 rubla, a biez akcyjnaj cany naohuł 15,49 rubla.
Micelarnaja vada Garnier u mai 2021‑ha kaštavała 7,19 rubla, ciapier jana ž — 22,09 rubla. Zaraz na hetuju pazicyju idzie źnižka, i z -40% butelečka abydziecca ŭ 13,25 rubla.
Cana na krem «Barchatnyje ručki» piacihadovaj daŭniny — 2,19 rubla. Siońnia košt vyras bolš čym u dva razy i startuje ad 5,19 rubla. Na źnižcy znajšli za 3,59 rubla.
Vadkaje myła marki Flirt šeść hadoŭ tamu abyšłosia ŭ 2,49 rubla. Padaražeła jano nie našmat — usiaho na 50 kapiejek.
Značna tańniejšaj była sol dla vannaŭ. Da prykładu, u mai 2021‑ha hety tavar biełaruskaj vytvorčaści ad MedicalFORT kaštavaŭ 1,69 rubla. Zaraz jon kaštuje 4,79 rubla.
Upakoŭka trochsłajovaj tualetnaj papiery Papia (4 št.) šeść hadoŭ tamu kaštavała 3,39 rubla, a ciapier padaražeła na 35% i kaštuje 5,15 rubla, na akcyi — 4,49 rubla.
A jašče vatnyja dyski z taho momantu vyraśli ŭ canie ŭ dva razy. Naprykład, Flirt (120 št.) piać hadoŭ tamu kaštavaŭ 1,79 rubla, a ciapier — 3,79 rubla.
Hihijeničnyja chustački tady kaštavali 29 kapiejek, zaraz samy tanny varyjant abydziecca ŭ 35 kapiejek.
Jašče padaražeła zubnaja pasta. Biomed piać hadoŭ tamu pradavali za 3,99 rubla. Ciapier liniejka hetaha praduktu kaštuje ad 7,59 rubla (amal u dva razy daražej).
Zaŭvažna vyraśli ŭ canie žanočyja hihijeničnyja srodki. Da prykładu, tampony Kotex u čeku za krasavik 2021‑ha išli za 7,19 rubla, a ciapier jany — 14,79 rubla, ale zaraz źnižka — vynikovaja cana 9,99 rubla.
Prakładki Naturella kaštujuć užo amal u dva razy daražej: 5,13 rubla suprać 2,99 rubla piać hadoŭ tamu. Zaraz na akcyi, ale ŭsio roŭna za 3,99 rubla.
Štodzionnyja prakładki Ola! (60 štuk) za piać hadoŭ padaraželi na 40% i kaštujuć 6,44 rubla, na akcyi — 5,19 rubla.
Dekaratyŭnaja kaśmietyka
Jość u čekach niekalki pazicyj kaśmietyčnych srodkaŭ — biełaruskija brendy.
Naprykład, papularnaja matavaja pamada Pin-Up ad Luxvisage z 2021 hoda vyrasła ŭ canie praktyčna ŭ dva razy i kaštuje 9,39 rubla (piać hadoŭ tamu — 4,89 rubla).
Ałovak dla brovaŭ ad Relouis zaraz pradajecca za 9,99 rubla, na akcyi — 8,49 rubla. Ale byli časy, kali hety pradukt išoŭ pa 5,09 rubla.
Jašče ŭ čekach piacihadovaj daŭniny znajšli matavuju hubnuju pamadu ad hetaha ž brenda za 6,09 rubla. Zaraz jana kaštuje 9,29 rubla.
Što skazać, ceny čakana vyraśli. U topie srodkaŭ, jakija padaraželi bolš za ŭsio, — usio dla prańnia. Niekatoryja paraški stali daražejšyja ŭ dva razy.
Asartymient taksama adčuvalna skaraciŭsia: mnohich impartnych praduktaŭ z čekaŭ 2020—2021 hadoŭ zaraz u prodažy prosta nie znajści.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary