Były dyrektar CRU Džon Brenan vystupiŭ za adchileńnie Donalda Trampa ad ułady pavodle 25‑j papraŭki da Kanstytucyi ZŠA.
Padstavaj stali zajavy Trampa na fonie vajny suprać Irana — u pryvatnaści, jaho słovy pra mahčymuju «likvidacyju iranskaj cyvilizacyi», piša Bild.
Brenan zajaviŭ, što prezident, na jaho dumku, nie zdolny vykonvać abaviazki kiraŭnika dziaržavy, i nazvaŭ jaho pavodziny niebiaśpiečnymi.
«Hety čałaviek vidavočna psichična chvory. 25‑ia papraŭka była napisana dla Trampa», — zajaviŭ Brenan.
Havorka idzie nie pra impičmient, a pra inšy miechanizm: vice-prezident i bolšaść členaŭ kabinieta pavinny piśmova zajavić, što prezident niedziejazdolny.
Paśla hetaha paŭnamoctvy pierachodziać da vice-prezidenta. Kali sam prezident piarečyć, kančatkovaje rašeńnie pavinien pryniać Kanhres, dzie dla hetaha patrebny dźvie treci hałasoŭ.
Na praktycy taki scenar ciapier vyhladaje niemahčymym. U Trampa zachoŭvajecca padtrymka ŭnutry administracyi i siarod respublikancaŭ u Kanhresie, a sam jon užo pieražyŭ dźvie sproby impičmientu padčas svajho pieršaha prezidenckaha terminu.
Kamientary
Našiełsia piervyj malčik, skazavšij očievidnoje - čto korolek sijajet hołym zadom, a nie osoboj tkańju portkov? Pośle kartinok s mieśsijej takich popribavitsia.