Былы дырэктар ЦРУ Джон Брэнан выступіў за адхіленне Дональда Трампа ад улады паводле 25‑й папраўкі да Канстытуцыі ЗША.
Падставай сталі заявы Трампа на фоне вайны супраць Ірана — у прыватнасці, яго словы пра магчымую «ліквідацыю іранскай цывілізацыі», піша Bild.
Брэнан заявіў, што прэзідэнт, на яго думку, не здольны выконваць абавязкі кіраўніка дзяржавы, і назваў яго паводзіны небяспечнымі.
«Гэты чалавек відавочна псіхічна хворы. 25‑я папраўка была напісана для Трампа», — заявіў Брэнан.
Гаворка ідзе не пра імпічмент, а пра іншы механізм: віцэ-прэзідэнт і большасць членаў кабінета павінны пісьмова заявіць, што прэзідэнт недзеяздольны.
Пасля гэтага паўнамоцтвы пераходзяць да віцэ-прэзідэнта. Калі сам прэзідэнт пярэчыць, канчатковае рашэнне павінен прыняць Кангрэс, дзе для гэтага патрэбны дзве трэці галасоў.
На практыцы такі сцэнар цяпер выглядае немагчымым. У Трампа захоўваецца падтрымка ўнутры адміністрацыі і сярод рэспубліканцаў у Кангрэсе, а сам ён ужо перажыў дзве спробы імпічменту падчас свайго першага прэзідэнцкага тэрміну.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Нашелся первый мальчик, сказавший очевидное - что королек сияет голым задом, а не особой тканью портков? После картинок с мессией таких поприбавится.