Režysiorka Darja Žuk zdymie film pra Femen, jakija ahalalisia pierad budynkam biełaruskaha KDB
Biełaruska Darja Žuk stanie režysiorkaj kino «Našy hrudzi — naša zbroja: Historyja ruchu Femen». Zdymki zapłanavany na 2020 hod, piša «Mastactva kino».
Voś što Darja Žuk raskazała pra rabotu nad hetym prajektam:
«Čamu Femen? Mianie cikavić rola žančyny ŭ postsavieckaj prastory ŭ cełym: heta i najnoŭšaja historyja, heta i «fieminizm», jakoha tak usio bajacca, heta złom žanočaha stereatypu — na hetyja temy i pra samich Femen napisana nievynosna mała. Miedyja paśpiachova dyskredytavali Femen, jakija sa svaimi akcyjami apiaredzili čas.
Upieršyniu Femen patrapili ŭ majo pole zroku praz ahulnych siabroŭ. Abmiarkoŭvajučy ich spadčynu, ja nie mahu zrazumieć, jak takija ž maładyja dziaŭčaty, jak i ja, zmahli vyjści na vulicu, ahaliŭšy hrudzi pierad budynkam biełaruskaha KDB? Mnie heta zdavałasia niemahčymym. Tak pačałosia majo znajomstva z hetaj temaj.
Pra što budzie film, kazać rana. Ale ja chaču skazać adno: niahledziačy na palityčnuju afarboŭku dziejańniaŭ Femen, film dakładna nie budzie prapahandaj. Mianie cikaviać składanyja piersanažy ź ich dobrymi jakaściami i zahanami, za jakich chočacca zaŭzieć i supieražyvać. U mianie niama mety pieraciahnuć hledača na moj bok».
Žanočy ruch Femen zaradziŭsia va Ukrainie ŭ 2008 hodzie i prasłaviŭsia dziakujučy epatažnym akcyjam pratestu: aktyvistki ŭ vianočkach ahalajuć raśpisanyja łozunhami hrudzi na važnych mierapryjemstvach abo pierad roznymi dziejačami. Tak arhanizacyja pryciahvaje ŭvahu da dyskryminacyi žančyn, prablemy seksualnych damahańniaŭ i da palityčnaj situacyi ŭ roznych krainach. Femen znajšoŭ taksama vodhuk u kultury: u 2013 hodzie ŭ Francyi vyjšła kniha FEMEN, a ŭ 2014-m na Adeskim mižnarodnym kinafiestyvali byŭ pakazany dakumientalny film «Ja — Fiemien» pra adnu z aktyvistak i dziejnaść arhanizacyi na praciahu troch hadoŭ.
Karcina «Našy hrudzi…» budzie sumiesnaj pradukcyjaj Ukrainy, Francyi i Hiermanii.
-
U Biełarusi nijak nie mohuć pakazać suśvietny chit — daviałosia viartać hrošy za kvitki
-
U rasijskaj franšyzie pra chałopaŭ vyjšaŭ novy film — jaho hladziać i ŭ Biełarusi
-
Šalona papularny karejski sieryjał ad Netflix pra školny bulinh — chto ździekavaŭsia z adnakłaśnikaŭ, pavinien prajści praz takoje ž prynižeńnie
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?26
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary