Kupalle — adno z samych staražytnych i mistyčnych śviataŭ, što abjadnoŭvaje ŭschodnich słavian. U kožnaha naroda skłalisia svaje tradycyi śviatkavańnia letniaha soncastajańnia. Ale, napeŭna, mienavita ŭ Biełarusi jany zachavalisia najbolš poŭna, admietna, kałarytna. My sabrali dla vas varyjanty, kudy možna pajechać pašukać čaroŭnuju paparać-kvietku, paskakać praz vohnišča i pavadzić karahody.
1. Kupalskaje koła
Fiestyval nasyčany narodnaj muzykaj, hulańniami, abradami ŭ najlepšych tradycyjach sapraŭdnaj biełaruskaj kultury. Sioleta fest adbudziecca ŭžo ŭ 11-y raz. Haściej i ŭdzielnikaŭ tradycyjna čakajuć mnostva placovak i zabaŭ, rekanstrukcyja śviatkavańnia Kupalla, a taksama maštabnaja kancertnaja prahrama.
Sam fest projdzie ŭ Muziei narodnaj architektury i pobytu (muziej znachodzicca za 4 km ad MKAD za aŭtarynkam «Malinaŭka» kala ah. Aziarco). Arhanizatary rajać dabiracca tudy albo na svaich aŭtamabilach, albo hramadskim transpartam: ad aŭtastancyi «Paŭdniova-Zachodniaja», prypynkaŭ «Piatroŭščyna», «Malinaŭka-6» iduć pryharadnyja aŭtobusy ŭ napramkach: Minsk — Dubiancy, Čyki, 170E a taksama maršrutnaje taksi 1277.
| Kali? | 21 červienia 18:00-22:00 22 červienia 14:00-22:00 23 červienia 14:00-19:00 |
Kvitki možna nabyvać na kožny dzień fiestyvalu, a taksama na ŭsie adrazu.
— Kvitok na 21 červienia — 15 rubloŭ (tolki ŭ kasie muzieja),
— Kvitok na 1 dzień fiestyvalu (22 abo 23 červienia) — 35 rubloŭ,
— Kvitok, nabyty da 20 červienia na 2 dni fiestyvalu (22-23.06.19) — 50 rubloŭ (daje prava biaspłatnaha naviedvańnia i 21.06.19),
— Kvitok, nabyty z 21.06.19 na 2 dni fiestyvalu (22-23.06.19) — 55 rubloŭ (daje prava biaspłatnaha naviedvańnia i 21.06.19).
— Dzieciam da 7 hod — biaspłatna.
Anłajn kvitki možna nabyć na bezkassira.by/kupalskaekola2019.
Dzie: Muziej narodnaj architektury i pobytu, ah. Aziarco
Kali: 21-23 červienia
Kolki: 15.00 — 55.00 BYN
2. Śviata Sonca
Taksama etnafiestyval. Arhanizatary abiacajuć pradstavić na feście ŭsie vidy fołk-muzyki: fołk / fołk-rok / fołk-mietał / pehan, a taksama sumiežnyja kirunki. Tut zajhrajuć i «Stary Olsa», i NaviBand, i hurt Pawa, i mnohija inšyja.
Prahrama budzie nasyčanaj: etna-placoŭka, ramiesnyja majsterni, staradaŭni kirmaš, łučny, arbaletny cir, fakielnaje šeście, i, viadoma, šmat muzyki. Na feście budzie arhnizavany namiotavy haradok.
Raźvierniecca «Śviata Sonca» ŭ muziei «Dudutki», što znachodzicca za 40 km ad Minska. Voś tak vyhladaje mapa prajezdu:
22 červienia fest pačniecca a 10-j hadzinie ranicy i praciahniecca da samaj nočy. 23 červienia hulać budziem z 10:00 da 17:00.
Vielmi detalova pra kvitki, prahramu, prajezd napisana na sajcie arhanizataraŭ.
Dzie: Muziej «Dudutki»
Kali: 22-23 červienia
Kolki: 7.00 — 40.00 BYN
3. Žuk-Trejł #12 Kupalle
Masavyja zabiehi ŭ Kupalskuju noč (i dzień) na roznyja dystancyi: 5, 10 i 21 kiłamietr. Maršrut prakładzieny pa palavych i lasnych ściežkach, pa hłybokich rovach. Daŭžynia kruha — 5 km. U zaležnaści ad abranaj dystancyi, udzielniki prabiahajuć adzin, dva ci čatyry kruhi. Na finišy ŭdzielnikaŭ čakaje pamiatny miedal. Aproč taho — fatohraf na dystancyi, harbata, piečyva i sadavina na punkcie charčavańnia, a taksama vialikaje kupalskaje vohnišča na finišy. Zabiehi ładziacca jak nočču, tak i dniom. Na načny zabieh treba ŭziać lichtar.
Možna pryjechać sa svaim namiotam i paśla zabiehu vydatna adpačyć.
Zabiehi ładziacca 6-7 lipienia la parka zabaŭ «Kukupolis» (30 km ad Minska). Voś schiema prajezdu:
Načny zabieh pačniecca a 00:00, dzionny — a 12:30.
Kvitki anłajn možna nabyć na bezkassira.by/nochnojzabegkupalle.
Kali ŭ vas zastalisia pytańni, adkazy na ich vy možacie znajści na sajcie arhanizataraŭ.
Dzie: «Kukupolis»
Kali: 6-7 lipienia
Kolki: 10.00 — 39.00 BYN
4. Kupalskaja noč u Kupałavym domie
Litaraturny muziej Janki Kupały nie zmoh abminuć uvahaj śviata, što dało psieŭdanim biełaruskamu pieśniaru. Tut praviaduć kvest «U pošukach paparać-kvietki» pa muziei i terytoryi parku. Taksama haściej śviata čakajuć majstar-kłasy pa biełaruskich pieśniach i tancach, placieńni kupalskich viankoŭ.
Dzie? Litaraturny muziej Janki Kupały i Kupałaŭski park
Kali? 23 lipienia, 19:00
Kolki? Uvachod na mierapryjemstva — 3.00 BYN.
5. Aleksandryja źbiraje siabroŭ
U prahramie — vystupy artystaŭ biełaruskaj estrady i Mahiloŭskaj abłasnoj fiłarmonii, hurta «Leprykonsy», najlepšych dydžejaŭ Biełarusi. Paśla hała-kancerta haściej zaprosiać na biaspłatnuju načnuju dyskateku. Zavieršycca hulańnie śviatočnym fiejervierkam. Padrabiaznuju prahramu hladzicie tut.
Dzie? Śviata projdzie na tradycyjnaj placoŭcy na bierazie Dniapra ŭ ahraharadku Aleksandryja (Škłoŭski rajon).
Kali? 6-7 lipienia.
Kolki? 12.50 — 31.50 BYN. Kvitki možna nabyć na sajcie kvitki.by/aleksandrija-sobiraet-druzej.
6. Kupalskija hulańni ŭ Stańkavie
Karahody, śpievy, tancy, placieńnie viankoŭ, vybar Kupalinki i Kupališa, skoki praz vohnišča. Na śviacie taksama budzie pracavać placoŭka ramieśnikaŭ. Paśla častki z tradycyjnymi zabavami arhanizatary zaprašajuć haściej na dyskateku.
Dzie? Centr ekałahičnaha turyzmu «Stańkava». Znachodzicca za 40 km ad Minska
Kali? 6 lipienia. Dakładny čas pakul nieviadomy, ale bližej da śviata raskład źjavicca pa hetaj spasyłcy. Arhanizatary adkazvajuć apieratyŭna.
7. Zadźvinskaje Kupalle
Hulańni ŭ vielmi kałarytnym miescy na bierazie Dźviny. U prahramie zapłanavany miuzikł «Nievierahodnaje Kupalle», konkurs na samy pryhožy vianok (kali vialikaha vopytu ŭ ich placieńni vy nie majecie, to vam dapamohuć na admysłovym majstar-kłasie), vystupy tvorčych kalektyvaŭ, śviatočnaje šeście.
Dzie? Mierapryjemstva adbudziecca ŭ kulturna-histaryčnym kompleksie «Załatoje kalco horada Viciebska «Dźvina». (Viciebsk, vuł. Čajkoŭskaha, 5)
Kali? 6 lipienia z 19:00 da 23:00.
Kolki? Za ŭvachod treba budzie zapłacić 3 rubli. Dzietkam da 4-ch hod — biaspłatna.
Šukajcie bolš padziej na Afisha.nn.by
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary