Navukoŭcy stvaryli 3D-pryntar, jaki drukuje pry dapamozie śviatła VIDEA
Inžyniery Kalifarnijskaha ŭniviersiteta stvaryli 3D-pryntar Replicator, jaki zdolny pieraŭtvaryć palimiernaje žele ŭ składanyja ćviordyja abjekty pry dapamozie pramianioŭ śviatła.
Jon usio roŭna daskanalejšy tych pryład, jakija raspaŭsiudžany siońnia. Abjekty, jakija pryntar stvaraje, źjaŭlajucca bolš hładkimi, bolš hnutkimi i bolš składanymi čym tyja, jakija razdrukoŭvajucca tradycyjnymi 3D-pryntarami.
Replicator moža spakavać inšy ćviordy abjekt unutr trochmiernaj fihury. Naprykład, pryntar moža «razdrukavać» ručku vakoł mietaličnaha stryžnia adviortki.
Pa słovach Chajdena Tejłara, dacenta mašynabudavańnia Kalifarnijskaha univiersiteta, taki sposab druku adkryvaje novyja pierśpiektyvy dla stvareńnia miedycynskich pryład — pratezaŭ, linz i inšych.
Bolšaść isnujučych 3D-pryntaraŭ drukujuć papłastova. Navat tyja 3D-pryntary, što vykarystoŭvajuć ćviordy fotapalimier, taksama stvarajuć fihuru płast za płastom, choć i robiać heta pry dapamozie łaziera.
Heta pryvodzić da źjaŭleńnia stupieńčatych krajoŭ, jakija patrabujuć ručnoj paliroŭki. Taksama pasłojny druk nie dazvalaje stvarać fihury z hnutkich materyjałaŭ.
Novy mietad pazbaŭleny hetych zahan. Prajektar śviecić na kołbu z palimiernym žele, stvarajučy ŭsiu fihuru całkam.
Pry hetym nie vykarystoŭvajecca ŭltrafijalet abo łaziery. Chajden Tejłar vykarystaŭ u kanstrukcyi samy zvyčajny prajektar, jaki, pavodle jaho słoŭ, jon prynios z domu.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka5
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary