Kab zacikavić padletkaŭ čytańniem i razmaŭlać ź imi na składanyja temy — biełaruska zapuściła litaraturny anłajn-prajekt
Biełaruska Taćciana Słavinskaja, viadomaja svajoj knižnaj internet-kramaj «Kuferak dziciačych knih», abviaściła pra zapusk novaha litaraturnaha prajekta pad nazvaj Mainbooks.
«Kuferku dziciačych knih» užo amal šeść hadoŭ. Za čas jaho isnavańnia mnie stała zrazumieła, što šerah našych sacyjalnych napramkaŭ treba raźvivać bolš detalova», — patłumačyła Taćciana.
Mainbooks budzie aryjentavacca na padletkavuju aŭdytoryju i ich baćkoŭ.
«U ramkach prajekta my robim videa, u jakich raskazvajem pra toje, jak z dapamohaj sučasnaj litaratury možna zacikavić dziaciej čytańniem, jak možna vykarystoŭvać knihi ŭ razmovie z padletkami na składanyja temy (hiendar, ludzi z asablivaściami raźvićcia, nietradycyjnyja siamji. Taksama my pakažam, jak sučasnyja jeŭrapiejskija teksty mohuć prymianiacca na kursach reabilitacyi dziaciej i padletkaŭ, jakija apynulisia ŭ niaprostych žyćciovych abstavinach (bulinh, hvałt, adzinota, niepryniaćcie adnahodkami i baćkami dy inšaje)», — havorycca na staroncy prajekta.
Mainbooks zapuściŭsia jašče ŭ kancy kastryčnika, ale tolki na dniach na jutub-kanale źjavilisia pieršyja videa. Adno ź ich jakraz pryśviečanaje temie «Jak zacikavić dzicia čytańniem».
Akramia hetaha, u miežach Mainbooks buduć prachodzić afłajn-sustrečy z ekśpiertami, a taksama ładzicca intervju ź lidarami mierkavańniaŭ, nu i, naturalna, čytańnie knih.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda21
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy99
Kamientary