Pieršy kinateatr typu IMAX adkryjecca ŭ Minskim płanietaryi
13 377 biełaruskich rubloŭ ź nieabchodnych 12 300 tysiač udałosia sabrać mienš čym za dva miesiacy, a padtrymku akazali 499 čałaviek i vytvorca tavaraŭ dla snu Vegas — jon nie tolki pahasiŭ niastaču dla pakupki novaj prajekcyjnaj sistemy, ale i abstalavaŭ dva spalnyja miescy pad kupałam. Nazirać za zorkami ŭ Minskim płanietaryi zaraz možna ležačy.
Płanietaryi pa ŭsim śviecie daŭno pieratvarylisia ŭ multymiedyjnyja centry, dzie adbyvajucca kancerty, lekcyi i pakazvajuć zornyja filmy na vielizarnych ekranach. Minski płanietaryj pastajanna źmianiajecca: nazirać z absiervatoryi Mlečny šlach i Palarnuju zorku možna dziakujučy adrestaŭravanamu niamieckamu teleskopu Carl Zeiss z pavieličeńniem u 300 razoŭ, a hladzieć śfieryčnyja filmy — na vielizarnym kupale-ekranie, adzinym u Biełarusi, a ŭ chutkim časie i na novaj prajekcyjnaj sistemie, jakaja źjavicca ŭžo ŭ vieraśni. Nieabchodnaja suma na jaje pakupku była sabrana 25 lipienia pry dapamozie kraŭdfandynhavaj kampanii.
«Technałohija «poŭnaha kupała» ŭ našym płanietaryi padobnaja da IMAX, tolki zaviecca FullDome (poŭny kupał) — ekran bolšy i raźmiaščajecca źvierchu i zzadu na 360 hradusaŭ. Padobnaha abstalavańnia dahetul niama nidzie ŭ Biełarusi. Sa źjaŭleńniem čatyroch novych prajektaraŭ pašyreńnie malunka pavialičycca ŭ 1,5 raza, a naviedvalniki ŭbačać jašče bolš jarkuju i nasyčanuju vyjavu, — raspaviadaje zahadčyk Mienskaha płanietaryja Alaksandr Mikulič. — Dziakujučy horadu kožny hod my abnaŭlajem płanietaryj: zakuplajem novyja filmy, zaprašajem cikavych lektaraŭ. Ale zaŭsiody vitajem asabistaje žadańnie biełarusaŭ rabić naš płanietaryj lepššym, idejami abo finansava».
Svaju padtrymku płanietaryju akazali 499 čałaviek, jakija sabrali 91% ad nieabchodnaj sumy. Dla taho, kab pryciahnuć dadatkovuju ŭvahu da prajekta, vytvorca tavaraŭ dla snu Vegas ustalavaŭ dva łožki z artapiedyčnymi matracami prosta pad śfieryčnym kupałam i prapanavaŭ minčukam hladzieć na zorki ležačy. Bolš za 1803 čałavieki pažadali trapić na niezvyčajny pakaz, a za dva dni, pakul išło anansavańnie, pieraviali na rachunak prajekta bolš za tysiaču rubloŭ.
«My źviarnuli ŭvahu, što hladzieć śfieryčnyja filmy lepš napaŭležučy, tak nie zaciakaje šyja i ničoha nie balić, a dla niekatorych ludziej heta adzinaja zručnaje stanovišča dla prahladu, — raspaviadaje Kaciaryna Harabiec, dyrektar pa markietynhu brenda Vegas u Biełarusi. — Pravilnaje stanovišča cieła zabiaśpiečać našy artapiedyčnyja matracy Vegas sa spružynnymi błokami Medizone. Dziakujučy čarhavańniu miakkich i žorstkich zon, rassłabicca i adčuć siabie adpačyłymi zmohuć usie naviedvalniki, niezaležna ad rostu, vahi, uzrostu».
25 lipienia Vegas unios dźvie tysiačy rubloŭ na rachunak i zaviaršyŭ zbor srodkaŭ. Płanujecca, što novaja sistema źjavicca ŭ Minskim płanietaryi ŭžo ŭ vieraśni.
Spalnyja miescy taksama zastanucca ŭ Minskim płanietaryi. Jany dastupnyja pa papiarednim zapisie pa pasłuzie «Nieba dla dvaich» — za 17,8 rubloŭ možna daśledavać Suśviet udvaich va ŭsim zale.
-
29‑hadovuju madel i psichołaha z Homiela asudzili za palityku. Mierkavana, za Hajuna
-
Jak ułady Minska zrazumiejuć, u kaho žyvuć niezarehistravanyja sabaki? Raźlik na nieabyjakavych susiedziaŭ
-
Biełaruska prasiła blizkich patrochu pieravozić u Polšču jaje źbieražeńni. A potym kupiła kvateru — i bank zabłakavaŭ 1 miljon złotych
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary