List, jaki apaviaščaje pra stvareńnie ŭ Biełarusi IT-roty, atrymali z PVT kampanii-rezidenty Parku. Pra heta dev.by raspaviali ŭ niekalkich kampanijach.
«U adpaviednaści z rašeńniem ministra abarony Respubliki Biełaruś va ŭstanovie adukacyi «Vajskovaja akademija Respubliki Biełaruś» stvorana rota infarmacyjnych technałohij, — havorycca ŭ dakumiencie. — Miarkujecca, što rotu buduć kamplektavać asoby, jakija majuć vyšejšuju adukacyju pa profilnych IT-śpiecyjalnaściach ź listapada 2018 hoda».
Pradstaŭniki Vajskovaj akademii zaprašajuć pradstaŭnikoŭ kampanij-rezidentaŭ Parku na sustreču.
U chodzie sustrečy, jakaja pryznačanaja na 20 lipienia, «taksama płanujecca abmierkavać usie prablemnyja pytańni, źviazanyja z pryzyvami na terminovuju słužbu i słužbu ŭ reziervie supracoŭnikaŭ kampanij PVT».
U pres-słužbie Minabarony dev.by paćvierdzili infarmacyju pra stvareńnie IT-roty. «Takimi rečami nie žartujuć», — skazali tam.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary