U sieradu, 11 lipienia, u Minsku supracoŭniki pravaachoŭnych orhanaŭ dapytvali vice-premjera, eks-ministra achovy zdaroŭja Vasila Žarko, paviedamili Tut.by try krynicy. Infarmacyju paćvierdzili ŭ kołach, blizkich da Administracyi prezidenta.
«Žarko vyklikali na razmovu ŭ pravaachoŭnyja orhany ŭ druhoj pałovie dnia ŭ piatnicu. Siońnia, 11 lipienia, jon taksama byŭ na dopycie», — raskazała znajomaja ź situacyjaj krynica. Hetuju infarmacyju Tut.by paćvierdzili jašče dva surazmoŭcy, a taksama ŭ kołach, blizkich da Administracyi prezidenta.
U toj ža čas u pres-słužbie ŭrada paviedamili, što Vasil Žarko znachodzicca na pracoŭnym miescy.
Raniej krynicy Tut.by paviedamlali pra zatrymańnie vice-premjera, ale hetaja infarmacyja aficyjna nie paćviardžajecca.
My źviazalisia z dačkoj Vasila Žarko. Jana nie tolki nie paćvierdziła zatrymańnie, ale skazała, što vice-premjera nie vyklikali ŭ śledčyja orhany.
«Nie zatrymany. My sami ŭ šoku. Jon chvilin 10 tamu telefanavaŭ, papiaredziŭ, što heta niapraŭda. My taksama bačyli hetuju infarmacyju i vielmi ździvilisia. Ni ŭ piatnicu, ni siońnia tatu nie vyklikali ŭ śledčyja orhany», — skazała nam dačka Volha.
Čytajcie taksama:
Dačka Žarko: «Tata nie zatrymany. Ja ź im tolki što razmaŭlała»
Pa śladach Pastajałki: jak Vasil Žarko zrabiŭ karjeru ministra achovy zdaroŭja
Vice-premjer Vasil Žarko dabudavaŭ katedž na 500 m2 u zakrytym elitnym pasiołku
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy13
Kamientary