Pamiataju, jak my ŭ Redakcyi hadali, a chto ž robić 1863x. Pierabirali znajomyja asoby, pakul vypadkova, u dramatyčnych abstavinach daviedalisia, što heta Eduard Palčys, jakoha tady nichto nie viedaŭ.
Palčys prajšoŭ praz turmu, ale nie zroksia svaich pryncypaŭ: pisać vostra i vajavać z vorahami Biełarusi. Letaś jon pačaŭ spałučać anłajnavuju i afłajnavuju aktyŭnaść.
Błoh (i błohier) padtrymlivaŭ abaronu Kurapat, raskapaŭ materyjał pra firmu-zabudoŭnika. Rychtavaŭ «Noč rasstralanych paetaŭ» u pamiać pra noč z 29 na 30 kastryčnika. Pravioŭ infarmacyjnuju kampaniju da 500-hodździa skarynaŭskaj Biblii. Nu i, the last but not the least, staŭ adnym z pratahanistaŭ padrychtoŭki Śviata Niezaležnaści na 100-hodździe BNR.
Akramia fejsbuka, Eduard Palčys razharnuŭ aktyŭnaść u telehramie.
Ciapier jon źbiraje srodki na čarhovy hod svajoj dziejnaści.
«Siabry, pryjšoŭ čas vam vyrašać, ci budzie dalej isnavać prajekt 1863x i vieścisia maja dziejnaść», — źviarnuŭsia Palčys da čytačoŭ.
Pieršy zbor srodkaŭ jon pravioŭ — paśpiachova — krychu bolš za hod tamu, u lutym 2017-ha.
Palčys pastaviŭ sabie zadaču nabrać na kožny miesiac dziejnaści resursu 2000 rubloŭ. Sposab: padpiska praz kraŭdfandynhavuju płatformu «Tałaka». Jana ciapier daje opcyju mahčymaści aŭtamatyčnaha pieraličeńnia vyznačanaj sumy z kartki štomiesiac.
Palčys kateharyčny: jon maje namier praciahvać prajekt 1863x, tolki kali ludzi naźbirajuć patrebnuju sumu, kali jon budzie adčuvać zapatrabavanaść svajho resursu. Za pieršyja čatyry dni zboru jamu «padpisali» 19% ad patrebnaj sumy.
Ciapier čytajuć
Polski błohier naviedaŭ Biełaruś — niekatoryja jaho vysnovy vas ździviać10
Kamientary