«Pažaŭcieli skura i vočy». Žančyna z-pad Hrodna atruciłasia hrybami
Žycharka ahraharadka Putryški atruciłasia smažanymi śvinuškami. Ale pa miedycynskuju dapamohu paciarpiełaja źviarnułasia tolki praz tydzień — paśla taho jak u jaje pažaŭcieli vočy i skura. Žančynu terminova špitalizavali.
Piensijanierka atruciłasia śvinuškami — u narodzie hetyja hryby taksama nazyvajuć «kabyłkami». Pavodle słoŭ miedykaŭ, paciarpiełaja spačatku ich advaryła, a potym pasmažyła.
— Na praciahu tydnia ŭ žančyny naziralisia ahulnaja słabaść, vanity, ale pa miedycynskuju dapamohu jana nie źviarnułasia, — raspaviali ŭ efiry telekanała «Biełaruś 4. Hrodna».
Na praciahu tydnia piensijanierka zajmałasia samalačeńniem, a pryčynaj usio ž źviarnucca da daktaroŭ stali bol u žyvacie, pažaŭciełaja skura i vočy. Žančynu terminova špitalizavali. Reč u tym, što taksin, jaki źmiaščajecca ŭ hrybach, nazapašvajecca ŭ arhaniźmie i razburvaje piačonku i nyrki.
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h4
Kamientary