«Ja pryśviačaju hetuju premiju biełarusam» — Śviatłana Cichanoŭskaja ŭznaharodžanaja premijaj Menschen in Europa
27 listapada padčas vizitu ŭ Hiermaniju Śviatłana Cichanoŭskaja była ŭznaharodžanaja premijaj Menschen in Europa «Cmiełyja žančyny za svabodu i demakratyju».
Cyrymonija tradycyjna adbyłasia ŭ niamieckim horadzie Pasau ŭ miežach štohadovaj prahramy Menschen in Europa, jakaja adznačaje asobaŭ, što ŭnieśli značny ŭkład u abaronu pravoŭ čałavieka i demakratyčnych kaštoŭnaściaŭ. Razam sa Śviatłanaj Cichanoŭskaj premiju atrymała Julija Navalnaja, paviedamlaje pres-słužba demakratyčnaj lidarki.
U svajoj pramovie Cichanoŭskaja pryśviaciła premiju ŭsim biełarusam i padkreśliła, što mienavita ludzi vyznačajuć Biełaruś i budučyniu krainy: «Mienavita ludzi vyznačajuć Biełaruś i jaje budučyniu, a nie złačynny režym Łukašenki. Ludzi, jakija adčajna zmahajucca kožny dzień, kab zrabić Biełaruś svabodnaj, niezaležnaj i jeŭrapiejskaj.
I siońnia pryśviačaju hetuju premiju maim suajčyńnikam».
Pierad uručeńniem premii adbyłasia panelnaja dyskusija, padčas jakoj Cichanoŭskaja adkazała na pytańni pra situacyju va Ukrainie, asabisty dośvied, pracu i stratehiju demakratyčnych siłaŭ i rolu Jeŭropy.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary