Siarod palitviaźniaŭ, vyviezienych na miažu z Ukrainaj, byŭ čałaviek, abvinavačany ŭ stvareńni kanała «Biełaruś za MKADam»
Alaksandru Katoviču prysudzili piać hadoŭ pavodle pakietu palityčnych artykułaŭ, a pasiarod terminu raptoŭna vyzvalili.
Adnym ź biełaruskich palitviaźniaŭ z ukrainskim pašpartam, vyviezienych z krainy 22 listapada 2025 hoda, byŭ Alaksandr Katovič. Jamu 35 hadoŭ.
Alaksandra aryštavali ŭ žniŭni 2023 hoda. U sakaviku 2024 hoda jaho asudzili pavodle čatyroch palityčnych kryminałak:
- art. 130 Kryminalnaha kodeksa — Raspalvańnie varožaści.
- art. 361‑1 Kryminalnaha kodeksa — Stvareńnie ekstremisckaha farmavańnia.
- art. 368 Kryminalnaha kodeksa — Abraza Łukašenki.
- art. 367 Kryminalnaha kodeksa — Paklop na Łukašenku.
Na sajcie MUS Katovič paznačany jak stvaralnik ekstremisckaha farmavańnia «Biełaruś za MKADam». Instahram i tyktok z takoj nazvaj užo nie isnujuć, a ŭ telehram-kanale zastajecca kala 8 tysiač čałaviek.
Sudździa Minskaha haradskoha suda Śviatłana Čarapanava dała Katoviču piać hadoŭ kałonii. Ukrainca nakiravali ŭ kałoniju №17 u Škłovie.
Nahadajem, 22 listapada Alaksandr Łukašenka pamiłavaŭ 31 hramadzianina Ukrainy. Siarod ich byli jak palitviaźni, tak i ludzi, asudžanyja pavodle zvyčajnych kryminalnych artykułaŭ.
Udakładnieńnie. U raniejšaj viersii artykuła Katoviča nazyvali «stvaralnikam kanała «Biełaruś za MKADam», bo jon tak prachodziŭ u dakumientach MUS. Adnak, jak vyjaviłasia, jon prosta pisaŭ kamienty ŭ čacie hetaha kanała.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha26
Kamientary