Na stancyi mietro «Kastryčnickaja» isnavała «ślapaja zona» dla mašynistaŭ. Ciapier prydumali, što z hetym rabić
Na stancyi mietro «Kastryčnickaja» ŭ Minsku doŭhi čas isnavała prablema tak zvanaj ślapoj zony: z-za śpiecyfiki ruchu ludziej na joj mašynisty ciahnikoŭ, jakija pryjazdžajuć na stancyju pa pieršym puci ŭ napramku «Uručča», nie mahli bačyć chvastavy vahon. Ale ciapier, jak śćviardžaje pres-słužba Minskaha mietrapalitena, hetaj prablemy bolš niama.
«Kastryčnickaja» — adna z samych zahružanych stancyj minskaha mietro: pasažyry siudy pastajanna prybyvajuć jak z eskałataraŭ, tak i praz padziemny pierachod sa stancyi «Kupałaŭskaja». U vyniku na płatformie stvarajecca vialiki i nieraŭnamierny pasažyrapatok.
Z-za takoj śpiecyfiki ruchu ludziej mašynisty ciahnikoŭ, jakija pryjazdžajuć na stancyju pa pieršym puci ŭ napramku «Uručča», nie mahli bačyć chvastavy vahon. Pieraškody ŭ ahladzie nie dazvalali im kantralavać situacyju ŭ chvastavaj častcy ciahnika: ci ŭsie pasažyry paśpieli ŭvajści abo vyjści, ci niama niebiaśpiečnych situacyj pobač ź dźviaryma. Heta mahło niehatyŭna paŭpłyvać na biaśpieku pasažyraŭ pry pasadcy i vysadcy.
Kab vyrašyć hetuju prablemu, na stancyi pastavili śpiecyjalnuju kamieru videanazirańnia, jakaja achoplivaje chvastavuju častku płatformy. Vyjava z kamiery tranślujecca na panel pierad kabinaj mašynista. Apošni ciapier moža bačyć nie tolki pieršuju častku ciahnika, ale i toje, što adbyvajecca daloka za jaho śpinaj — kala apošnich dźviarej.
Takim čynam, «ślapoj zony» na «Kastryčnickaj» bolš niama — jaje zamianiła sučasnaja sistema videakantrolu.
Minski mietrapaliten prezientavaŭ novyja ciahniki. Jany buduć chadzić na Aŭtazavodskaj linii
«Trochkarčmovaja», «Razdarožnaja» i «Makajonka». Jakija nazvy stancyj mietro prapanuje Abjadnany pierachodny kabiniet
Ź pierasadkaj na «Akademii navuk». Prajekciroŭščyki raskazali, jakoj moža być čaćviortaja linija minskaha mietro
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj41
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary
:), socriekłamu i kino kak vsio za... mašinistu tožie krutiť budut?
Za opytom ustrojstva i erhonomiki možno było zahlanuť v obyčnyj minskij trollejbus-harmošku s kamierami vidieonabludienija.