U Biełarusi ŭ trecim kvartale 2025 hoda resursy ŭ raźliku na chatniuju haspadarku skłali Br2915,6 u miesiac. Heta vynikaje z danych vybaračnaha abśledavańnia, apublikavanych na sajcie Nacyjanalnaha statystyčnaha kamiteta, piša BiełTA.
Rasparadžalnyja resursy na chatniuju haspadarku ŭ haradach i pasiołkach haradskoha typu skłali Br3032,9 u miesiac, u vioskach — Br2536,6 u miesiac.
Hrašovyja vydatki ŭ raźliku na dchatniuju haspadarku skłali Br2801,6 u miesiac, ź jakich Br1907,2 (68,1%) prypadaje na spažyvieckija vydatki.
U struktury spažyvieckich vydatkaŭ damašnich haspadarak dola vydatkaŭ na charčavańnie skłała 37,2%, na kuplu niepraduktovych tavaraŭ — 35,9%, na apłatu pasłuh — 24,7%.
Rasparadžalnymi resursami ličacca hrošy chatnich haspadarak, košt spažytych praduktaŭ charčavańnia, vyrablenych u asabistaj padsobnaj haspadarcy, za minusam materyjalnych zatrat na ich vytvorčaść, i košt atrymanych u naturalnaj formie lhot i vypłat.
Spažyvieckija vydatki — heta vydatki damašnich haspadarak na charčavańnie (uklučajučy hramadskaje), kuplu śpirtnych napojaŭ, tytuniovych vyrabaŭ, niepraduktovych tavaraŭ i apłatu pasłuh. U ich skład nie ŭklučajucca padatki, materyjalnaja dapamoha i inšyja traty, nie źviazanyja sa spažyvańniem, a taksama ŭsie vydatki na vytvorčaść sielskahaspadarčaj pradukcyi ŭ asabistaj padsobnaj haspadarcy i ŭ metach nazapašvańnia (bankaŭskija ŭkłady, kupla nieruchomaści, zamiežnaj valuty i hetak dalej).
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny22
Kamientary