Alaksandr Łukašenka sustreŭsia z v. a. prezidenta Respubliki Sajuz Mjanma, staršynioj Kamisii nacyjanalnaj biaśpieki i miru Min Aun Chłajnam u Prezidenckim pałacy ŭ Niejpjido. Tut projduć pieramovy ŭ vuzkim i pašyranym składach, piša BiełTA.
Prezidencki pałac źjaŭlajecca aficyjnaj rezidencyjaj i ofisam prezidenta Mjanmy ŭ stalicy. Budynak byŭ pabudavany i adkryty ŭ 2010 hodzie. Prezidencki pałac uklučaje 100 pakojaŭ i vykarystoŭvajecca vyklučna dla praviadzieńnia nacyjanalnych cyrymonij, dypłamatyčnych pryjomaŭ i ŭradavych pasiadžeńniaŭ.
Łukašenku da miesca sustrečy supravadziŭ hanarovy konny eskort z 54 vieršnikaŭ. Takoje ŭ historyi pratakolnaj praktyki Mjanmy sustrakajecca ŭpieršyniu, što padkreślivaje asablivy status vizitu.
Uračystaj atrymałasia i sama cyrymonija sustrečy Alaksandra Łukašenki i Min Aun Chłajna. Łukašenku pryvitała rota hanarovaj varty, a arkiestr vykanaŭ himny Biełarusi i Mjanmy.
Palityki abmiarkujuć pierśpiektyŭnyja napramki dvuchbakovaha ŭzajemadziejańnia i realizacyju sumiesnych prajektaŭ. Havorka, u tym liku, pojdzie pra raźvićcio supracoŭnictva ŭ halinie sielskaj haspadarki i harantavańni charčovaj biaśpieki, pramysłovaści.
Kamientary