U Homieli adkryli čarhovyja murały hierojam vajny. Pa ich kolkaści horad na pieršym miescy ŭ Biełarusi
U apošnija hady Homiel zachlisnuła chvala murałaŭ, pryśviečanych hierojam «Vialikaj Ajčynnaj vajny». Letaś ułady zajavili, što pa ich kolkaści horad na pieršym miescy ŭ Biełarusi. Ličbu nie ŭdakładnili, ale, vidać, havorka idzie prykładna pra dziasiatak, piša Biełaruski instytut publičnaj historyi.
Voś i 26 listapada ŭ suviazi z 82‑j hadavinaj vyzvaleńnia horada adkryli nie tolki pomnik Kanstancinu Rakasoŭskamu, ale i dva murały na šmatpaviarchovych damach — Ramanu Cimafiejenku i Ryhoru Hałavackamu. Uradženiec Čavuskaha rajona Cimafiejenka byŭ adnym z arhanizataraŭ padpolnaha ruchu ŭ Homieli, zahinuŭ u 1942-m. Uradženiec Minskaha rajona Hałavacki byŭ udzielnikam vyzvaleńnia horada, zahinuŭ u śniežni 1943-ha.
Sioleta ŭ mai ŭžo adkryli try murały hierojam Savieckaha Sajuza: Hieorhiju Žukavu, Ryhoru Dzienisienku i Illu Katuninu. Tolki apošni naradziŭsia ŭ Biełarusi (Dzienisienka žyŭ u Homieli paśla vajny).
Z cyvilnych asob u apošnija hady adkryli murał chiba tolki kolišniamu 1‑mu sakrataru CK KPB Kiryłu Mazuravu — jaho paznačyli jak Hieroja Sacyjalistyčnaj Pracy.
Kamientary