Biełarusu, jaki namalavaŭ zihujučaha Maska ŭ centry Varšavy, dali dva hady ŭmoŭna
Kali mastaka jašče raz złoviać za stvareńniem murałaŭ — umoŭny termin mohuć zamianić na realny.
Dva hady ŭmoŭnaha pazbaŭleńnia voli i štraf 160 złotych (44 dalary). Takoje pakarańnie pryznačyli biełarusu za malunak zihujučaha Iłana Maska ŭ Varšavie, paviedamlaje «Jeŭraradyjo».
Kali mastaka jašče raz złoviać za stvareńniem murałaŭ — umoŭny termin mohuć zamianić na realny.
Učora na pasiadžeńnie Maksim pryjšoŭ z advakatam, pierakładčykam i znajomymi: mužčynam i žančynaj. Mastak zaŭvažna chvalavaŭsia, ale pry hetym byŭ adziety ekstravahantna: u cišotku z ułasnym malunkam zihujučaha Maska, z nadpisam naviersie Fuck Mask, a na tvar nanios słovy Free Art. Mastak praz advakata zajaviŭ, što jaho nielha fatahrafavać praź miery biaśpieki.
Sa słovaŭ sudździ, jakaja začytała sutnaść spravy, na Maksima padali ŭ sud uładalniki budynku pa vulicy Emilii Plater 47, abvinavaciŭšy jaho ŭ vandaliźmie i škodzie majomaści pamieram 1944 złotych (530 dalaraŭ). Mastak siabie vinavatym nie pryznaŭ, pazoŭščyki na pasiadžeńnie nie pryjšli.
Tłumačačy sudździ abstaviny zdareńnia, svoj učynak Maksim prasiŭ traktavać jak prajavu mastactva.
«Ja maju prava na vykazvańnie ŭłasnaha mierkavańnia z dapamohaj mastactva. I ŭ dadzienym vypadku heta było vuličnaje mastactva».
Taksama biełarus paprasiŭ źviarnuć uvahu na kantekst padziej.
«Heta byŭ studzień, i ŭ presie było šmat navinaŭ pra peŭnyja źmieny ŭ nastrojach. U toj momant Iłan Mask staŭ vielmi papularnym u internecie jak miem. Jon pakazvaŭ hety žest jak pradstaŭnik uradu prezidenta Donalda Trampa. Dalej źjaviłasia infarmacyja, što Iłan Mask nabyvaje luksavyja apartamienty ŭ Varšavie, nasuprać ulicy Plater. U tym chmaračosie, dzie znachodzicca HC «Złote Tarasy».
<…> Ja nie prymaju hvałt, bajusia vajny i źjaŭlajusia davoli ŭražlivym čałaviekam, asabliva datyčna vielmi bahatych ludziej i ŭpłyvovych palitykaŭ, žesty jakich možna adnaznačna traktavać. Mianie heta ŭražvaje i ja hetaha bajusia».
Mastak zaznačyŭ, što svaim žestam Mask vykazaŭ padtrymku fašystam.
«Ja śpiecyjalna nie abiraŭ ścianu dla malavańnia pracy, ale jana była ŭ dobrym mieście, kab prajavić svaju hramadzianskuju pazicyju».
Ciapier čytajuć
Polski błohier naviedaŭ Biełaruś — niekatoryja jaho vysnovy vas ździviać14
Kamientary