Pucin: Bajavyja dziejańni spyniacca, kali USU pakinuć svaje pazicyi
Na pres-padychodzie pa vynikach vizitu ŭ Kyrhyzstan dla ŭdziełu ŭ samicie ADKB Pucin vykazaŭsia pra toje, ci źbirajecca jon najbližejšym časam spyniać vajnu va Ukrainie.
Nijakich prajektaŭ mirnaj damovy pa Ukrainie, jak ličyć Pucin, nie było, a byŭ tolki nabor pytańniaŭ dla abmierkavańnia. Płan ZŠA Rasii byŭ pieradadzieny, ź im aznajomilisia.
«Prajekt mirnaha płana pa Ukrainie treba pakłaści na dypłamatyčnuju movu, ciapier niekatoryja punkty hučać śmiešna», — zajaviŭ jon.
Amierykanskaja delehacyja dla abmierkavańnia płana pavinna pryjechać u Maskvu «ŭ pieršaj pałovie nastupnaha tydnia». Ale ŭ Pucina ŭžo zaraz jość mierkavańnie, jakim čynam maje skončycca vajna.
«Vojski Ukrainy pojduć z zajmanych imi terytoryj — tady i spyniacca bajavyja dziejańni. Nie pojduć — my damožamsia hetaha vajennym šlacham», — adznačyŭ jon.
Pa jaho słovach, temp nastupleńnia Uzbrojenych sił Rasii pavialičvajecca, a USU ŭ kastryčniku nibyta panieśli straty kala 47,5 tysiač čałaviek.
Jak zajaviŭ Pucin, hałoŭnaja prablema dla ŭkraincaŭ nibyta ŭ tym, što ŭ ich raście razryŭ pamiž stratami i tymi ludźmi, jakich jany mohuć nakiravać na linii bajavoha sudakranańnia.
Pry hetym jon supakoiŭ jeŭrapiejcaŭ: na ich napadać Rasija nie źbirajecca, a kab ludzi spakojna spali, Pucin navat hatovy heta paćvierdzić piśmova:
«Tam jość ludzi, jakija nie ŭ sabie troški. Abo žuliki niejkija. Publična kažuć svajmu nasielnictvu, što Rasija rychtujecca napaści na Jeŭropu. Ci to jany absłuhoŭvajuć intaresy abaronnych kampanij. Ciažka skazać, čym jany kirujucca, z našaha punktu hledžańnia — heta chłuśnia. Ale kali jany chočuć pačuć, što ŭ nas niama ahresiŭnych płanaŭ u dačynieńni da Jeŭropy — kali łaska, my hatovyja heta zafiksavać».
Łukašenka paskardziŭsia, što situacyja ŭ Biełarusi «padobnaja da abłožanaj krepaści»
Kasparaŭ: Ukraincy hinuć za nas! A heta ryełtarskaja ździełka, kab uzbahacić siamju Trampa i pradać Ukrainu!
U Rasii zajavili, što nie pojduć ni na jakija pryncypovyja sastupki va ŭkrainskim pytańni
Łukašenka prapanavaŭ Pucinu pravieści pieramovy pa Ukrainie ŭ Minsku
Poŭnaja rasšyfroŭka źlitych pieramoŭ śpiecpradstaŭnika prezidenta ZŠA Styva Uitkafa i pradstaŭnikoŭ Pucina Dźmitryjeva i Ušakova
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary
[Zredahavana]