Płošča ldoŭ u Arktycy sioleta dasiahnuła najmienšych značeńniaŭ u historyi
Płošča paŭnočnaj ladovaj šapki Ziamli dasiahnuła maksimalna nizkich značeńniaŭ, pabiŭšy rekordy 2015, 2016 i 2017 hadoŭ, paviedamlaje NASA.
Hety hod, jak adznačaje Kłer Parkinsan, klimatołah z Centra kaśmičnych palotaŭ NASA (ZŠA), praciahnuŭ sieryju rekordaŭ — płošča arktyčnych ldoŭ da 17 sakavika hetaha hoda skłała ŭsiaho 14,48 miljona kvadratnych kiłamietraŭ.
Heta značeńnie, jak adznačajuć klimatołahi, praciahvaje 13-hadovy trend pa skaračeńni płoščy lodu padčas zimovych miesiacaŭ, jaki patencyjna źviazany z anamalna vysokimi tempieraturami padčas śniežnia, studzienia i lutaha ŭ Arktycy i pa ŭsim paŭnočnym paŭšarji ŭ cełym.
Pavodle acenak NASA, tempieratura za palarnym kruham była ŭ siarednim na 8-10 hradusaŭ vyšej, čym u časy da industryjalnaj revalucyi.
Jak adznačaje Parkinsan, adnoj z pryčyn ŭstanaŭleńnia novaha rekordu stała toje, što za minułuju zimu Arktyka pieražyła adrazu niekalki pieryjadaŭ paciapleńnia, i navat na paŭnočnym kancavośsi pieryjadyčna panavali stanoŭčyja tempieratury. Kali b nie pachaładańnie ŭ pačatku i siaredzinie sakavika, to płošča ldoŭ była b jašče mienšaja.
Hałoŭnuju pahrozu dla ladovaj šapki Arktyki, pa słovach navukoŭcaŭ NASA, siońnia pradstaŭlajuć nie tolki anamalna vysokija tempieratury, ale i bujnyja raskoliny, što źjavilisia ŭ šmathadovych ldach la bierahoŭ Hrenłandyi ŭ kancy zimy. Ich dalejšaje razrastańnie moža pryvieści da raskołu ladovaj šapki i jaje paskoranamu rastavańniu ŭ nastupnyja hady.
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
-
Hravitacyjnaja madel NASA demanstruje «bulbapadobnuju» formu Ziamli
-
Małako biez karovy: izrailskija navukoŭcy navučyli raśliny vyrablać małočny białok
Ciapier čytajuć
35 maładych biełarusaŭ i biełarusak, za jakimi varta sačyć: apublikavany pieršy śpis Next 3523
Kamientary