Były kiraŭnik Viarchoŭnaha Savietu Biełarusi 12-ha sklikańnia pryniaŭ udzieł u kanferencyi onłajn-časopisu «Ideja» Reshape2017.
Panel, hościem jakoj staŭ palityk, nazyvałasia «Ŭroki niezaležnaści». Ciaham hadziny Stanisłaŭ Šuškievič raspaviadaŭ pra «budaŭnictva Biełarusi» i raiŭ, što rabić adnahodkam niezaležnaści, kab zrabić Biełaruś lepšaj.
Adno z pytańniaŭ publiki było pra chutkaść pieratvareńniaŭ paśla źmieny ŭłady: šokavuju terapiju ci pastupovyja reformy. Adkazvajučy na jaho, Šuškievič skazaŭ:
«Ja za źmieny biez achviaraŭ. Ja nie tak aktyŭna ciapier zajmajusia źmienami. Toje, što mnie chaciełasia zrabić, nie ŭdałosia. Paśla taho, jak vyzvalili Statkieviča, chacia ŭ mianie ź im byli niaprostyja adnosiny, ja liču, što ŭ nas jość ściah, pad jakim nam možna pracavać. Heta Mikoła Statkievič. Čałaviek, jaki adsiadzieŭ čatyry hady ŭ turmie, i nie złamaŭsia, nie pryznaŭ svajoj viny, heta ściah. Pad hety ściah na žal nia stali, ale druhoha ściaha ja pakul što nie baču».
Padčas vybaraŭ 2010 hodu Stanisłaŭ Šuškievič padtrymaŭ kandydata ŭ prezydenty Andreja Sańnikava.
Kanferencyja Reshape2017 adbyłasia ŭ Miensku, u prastory EventSpace. Hałoŭnymi temami dyskusijaŭ stali novaja ekanomika, transfarmacyja hramadztva i budučynia medyjaŭ.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie59
Kamientary