Navukoŭcy zajaŭlajuć, što ŭ akvaryumnych rybak mohuć być roznyja charaktary. Heta daśledavańnie, praviedzienaje admysłoŭcami z Univiersiteta Ekseter, apisana ŭ časopisie Functional Ecology.
Raniej isnavała mierkavańnie, što akvaryumnyja rybki hupi dziejničajuć pa prostych schiemach i ich pavodziny zaležać ad taho, nakolki tyja schilnyja da ryzyki. Dziakujučy dośledam navukoŭcaŭ vyśvietliłasia, što rybki zdolnyja da składanych pavodzin.
U ekśpierymiencie ŭziali ŭdzieł trynidadskija hupi Poecilia reticulata. Bijołahi nazirali za tym, jak hetyja rybki lubiać ryzykavać. Kab prymusić rybak pachvalavacca, bijołahi źmiaščali ich u novy akvaryum ci pałochali makietami ptušak i cychlidaŭ, drapiežnych ryb. U vyniku vyśvietliłasia, što padvopytnych nie tak užo i lohka raźmiaścić pa škale ad «schilnyja da ryzyki» da «paźbiahajuć ryzyki».
Tom Chaśli z Univiersiteta Ekseter raspavioŭ, što rybki prademanstravali raznastajnaść stratehij pavodzin u stresavaj situacyi. Adny rybki pasprabavali schavacca, inšyja — uciačy, trecija aściarožna aziralisia, daśledavali novy abjekt. Adroźnieńni ŭ pavodzinach nie mianialisia na praciahu nazirańniaŭ.
Dadzienaje adkryćcio zacikaviła bijołahaŭ. U dalejšym jany płanujuć vyvučyć hienietyčnyja aśpiekty, jakija ŭpłyvajuć na stanaŭleńnie charaktaru ryb i vyśvietlić, u jakoj stupieni jon vyznačajecca hienami, a nakolki — dośviedam i asiarodździem.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca2
Kamientary