ADS adniesła rašeńnie pra ŭdzieł u vybarach
BNF za źniaćcio kandydataŭ, AHP - za ŭdzieł, Ruch za Svabodu kanstatuje paraluš kaalicyi.
Lider Partyi BNF Lavon Barščeŭski prapanavaŭ Abjadnanym demakratyčnym siłam padtrymać rašeńnie Sojmu partyi ab źniaćci svaich kandydataŭ u deputaty z vybaraŭ u pałatu pradstaŭnikoŭ. Heta adbudziecca 23 vieraśnia, za piać dzion da hałasavańnia.
Adnak kiraŭnictva apazycyjnaj kaalicyi padtrymała kampramisny varyjant, pavodle jakoha Palitrada pavinna sabracca 21 vieraśnia i na hetym pasiadžeńni razhledzieć pytańnie ab dalejšym udziełu ŭ kampanii.
Ł. Barščeŭski ličyć, što pryniaćcie takoha rašeńnia na apošnim etapie vybarčaj kampanii niapravilnaje. "Uładu nieabchodna ŭžo ciapier stavić pierad vybaram, chočuć jany, kab vyniki vybaraŭ byli pryznanyja abo nie", — skazaŭ jon.
U vaju čarhu kaardynatar Ruchu za Svabodu Viktar Karniajenka pastaviŭ pad sumnieńnie mahčymaść pryniaćcia kaalicyjnaha rašeńnia adnosna dalejšaha ŭdziełu demsił u vybarčaj kampanii.
Pavodle jaho słoŭ, rašeńni, chutčej za ŭsio, buduć prymacca na ŭzroŭni palityčnych partyj.
Ćviorda za ŭdzieł vykazvajucca Siarhiej Kalakin i Anatol Labiedźka, lidery Partyi kamunistaŭ i Abjadnanaj hramadzianskaj partyi.
Abjadnanyja demakratyčnyja siły pavinny nie tolki supraćpastaŭlać siabie ŭładzie, ale i šukać ź joj kampramis. Takoje mierkavańnie vykazaŭ lider AHP Anatol Labiedźka, vystupajučy 31 žniŭnia na pašyranym pasiadžeńni Palitsavieta ADS.
Na dumku A. Labiedźki, "nie padzialajučy palityku ŭłady, treba šukać ź joj kampramis. Treba i ŭładam vystaŭlać niejkija kanstruktyŭnyja prapanovy", — miarkuje jon.
A. Labiedźka ličyć, što bajkot vybaraŭ moža pieraŭtvaryć ADS u dysidencki ruch abo pryvieści da jaho raspadu. U hetym, pavodle słoŭ palityka, zacikaŭleny ŭłady, častka mižnarodnaj supolnaści, jakaja hatova siońnia vieści dyjałoh z Alaksandram Łukašenkam, a taksama niekatoraja kolkaść pradstaŭnikoŭ apazicyi, što vypali z pracesu pryniaćcia rašeńniaŭ.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam8
Kamientary