Płanietołahi adkryli pieršy «Miesiac» za miežami Soniečnaj sistemy
Viadomyja astranomy Devid Kipinh i Aleks Tyčy zajavili ab mahčymym adkryćci pieršaha «ekzamiesiaca» — płaniety, jakaja viercicca vakoł inšaj płaniety za miežami Soniečnaj sistemy. Svaje vysnovy jany apublikavali ŭ artykule ŭ elektronnaj biblijatecy arXiv.org.
Paśla zapusku arbitalnaha teleskopa «Kiepler» navukoŭcy vyjavili amal čatyry tysiačy płaniet pa-za miežami Soniečnaj sistemy, niekalki dziesiatkaŭ ź jakich źjaŭlajucca patencyjnymi «dvajnikami» Ziamli abo znachodziacca ŭ tak zvanaj «zonie žyćcia».
Kipinh i Tyčy pišuć, što žyćcio moža isnavać nie tolki na pavierchni paŭnavartasnych dvajnikoŭ Ziamli, ale i na «miesiacach» płaniet-hihantaŭ, jakija znachodziacca ŭnutry «zony žyćcia» i źmieščanyja ŭsiaredzinie mahutnaha mahnitnaha ščyta ich «vialikaha brata», jaki abaraniaje ad soniečnaha vietru i kaśmičnych čaścic.
U minułym navukoŭcy ŭžo znachodzili ekzapłaniety vielmi nievialikich pamieraŭ, padobnyja pa habarytach i masie da Marsa, adnak nivodnaha paŭnavartasnaha «Miesiaca» im nie ŭdavałasia znajści z-za ich vielmi małych pamieraŭ.
Navukoŭcy vyrašyli, što jakaść karcinki teleskopa možna pavysić, kali nakłaści mnostva fotazdymkaŭ taho, jak płanieta prachodzić pa dysku śviaciła, adzin na adnaho.
Płanietałohija sabrali sotni fatahrafij prykładna 280 płaniet, za jakimi «Kiepler» sačyŭ praktyčna bieź pierapynku padčas pieršaha etapu svajoj pracy, nakłali ich adzin na adnaho i «adniali» ad ich toje mini-zacmieńnie, jakoje vyklikała prachodžańnie płaniety pa dysku śviaciła.
Adpaviedna, kali ŭ płaniety jość «Miesiac», tady jarkaść zorki budzie charakternym čynam «prasiadać» padčas jaje prachodu pa dysku śviaciła. Kali ž jaje niama, to tady zorka budzie zaŭsiody zastavacca adnolkavaj, i «miesiacy» ŭ jaje płaniet pavinny adsutničać.
Takim čynam byŭ vyjaŭleny spadarožnik, jaki krucicca vakoł płaniety Kepler-1625b, pamienšanaha anałaha Saturna, čyj radyus prykładna ŭ dva razy mienš, čym u Jupitera, i ŭ 6 razoŭ bolšy, čym u Ziamli. Płanieta-hihant ździajśniaje adzin abarot vakoł śviaciła prykładna za 287 dzion i znachodzicca praktyčna pasiaredzinie «zony žyćcia».
U cełym, jak adznačaje Tyčy, adkryćcio tolki adnaho ekzamiesiaca stała vialikim rasčaravańniem dla jaho — płanietołahi čakali, što im udasca znajści značna bolš abjektaŭ i płaniet, adkrytych «Kiepleram». Pa ŭsioj bačnaści, «miesiacy» vielmi redka ŭtvarajucca ŭ płaniet, blizkich da zorak, što navukoŭcy taksama płanujuć pravieryć u chodzie nastupnych nazirańniaŭ.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi7
Kamientary