Archieołahi nablizilisia da razhadki tajamnicy biblejskaha Kaŭčeha Zapavietu
Archieołahi znajšli na miescy biblejskaha pasieliščy Siłom na zachodnim bierazie raki Iardan niekalki artefaktaŭ. Jany dapamohuć daśledčykam u pošukach znakamitaj skinii, u jakoj zachoŭvaŭsia Kaŭčeh Zapavietu, piša The Israel Times.
Navukoŭcy raskapali dva z čatyroch učastkaŭ, na jakich moža znachodzicca znakamity kaŭčeh. Pavodle Biblii, skryžali ź dziesiaćciu zapavietami byli pieradadzienyja Boham Maisieju na hary Sinaj. Na praciahu 349 hadoŭ śviatynia zachoŭvałasia ŭ Siłomie.
U chodzie raskopak archieołahi vyjavili kieramičnyja pradmiety, jakija mahli vykarystoŭvacca ŭ skinii — śpiecyjalnym namiocie, dzie zachoŭvaŭsia kaŭčeh. Radyjevuhlarodny analiz pakazaŭ, što ŭzrost artefaktaŭ — prykładna 3200 hadoŭ.
Vyjaŭlenyja znachodki, pavodle słovaŭ kiraŭnika ekśpiedycyi Skota Stryplinha, «užo abnadzieili» śpiecyjalistaŭ u pošukach śviatyni. Pry hetym kazać ab dakładnym miescaznachodžańni kaŭčeha, jak adznačyŭ vučony, jašče vielmi rana. Sam Stryplinh zajaviŭ pra namier dziesiacihodździami pravodzić raskopki na hetym miescy.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary