Археолагі наблізіліся да разгадкі таямніцы біблейскага Каўчэга Запавету
Археолагі знайшлі на месцы біблейскага паселішчы Сілом на заходнім беразе ракі Іардан некалькі артэфактаў. Яны дапамогуць даследчыкам у пошуках знакамітай скініі, у якой захоўваўся Каўчэг Запавету, піша The Israel Times.
Навукоўцы раскапалі два з чатырох участкаў, на якіх можа знаходзіцца знакаміты каўчэг. Паводле Бібліі, скрыжалі з дзесяццю запаветамі былі перададзеныя Богам Маісею на гары Сінай. На працягу 349 гадоў святыня захоўвалася ў Сіломе.
У ходзе раскопак археолагі выявілі керамічныя прадметы, якія маглі выкарыстоўвацца ў скініі — спецыяльным намёце, дзе захоўваўся каўчэг. Радыевугляродны аналіз паказаў, што ўзрост артэфактаў — прыкладна 3200 гадоў.
Выяўленыя знаходкі, паводле словаў кіраўніка экспедыцыі Скота Стрыплінга, «ужо абнадзеілі» спецыялістаў у пошуках святыні. Пры гэтым казаць аб дакладным месцазнаходжанні каўчэга, як адзначыў вучоны, яшчэ вельмі рана. Сам Стрыплінг заявіў пра намер дзесяцігоддзямі праводзіць раскопкі на гэтым месцы.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары