Fiederacyja futbołu Sieniehała nie aformiła strachoŭki futbalistam na čas čempijanatu śvietu
A hałoŭny doktar zbornaj nie mieŭ nieabchodnaj padrychtoŭki dla pracy z futbalistami. Pa adukacyi jon hiniekołah.
Fiederacyja futboła Sieniehała nie aformiła miedycynskaj strachoŭki dla svaich futbalistaŭ na čas čempijanatu śvietu 2026 hoda, piša Championat.com.
Pavodle infarmacyi krynicy, bramnik nacyjanalnaj zbornaj Eduar Miendzi daviedaŭsia pra heta paśla traŭmy kalena, atrymanaj u matčy hrupavoha etapu suprać zbornaj Narviehii (2:3). Kab vyznačyć dakładny charaktar paškodžańnia, jamu daviałosia prajści MRT. Vydatki na abśledavańnie futbalist apłaciŭ sa svaich ułasnych srodkaŭ z-za adsutnaści strachoŭki.
Charakterna, što hałoŭny doktar zbornaj Sieniehała pa futbole Abdurachman Fiedyjor nie mieŭ nieabchodnaj padrychtoŭki dla pracy z futbalistami. Pa adukacyi jon hiniekołah.
Zbornaja Sieniehała dajšła da 1/16 finału čempijanatu śvietu 2026 hoda, dzie sastupiła zbornaj Bielhii ź likam 2:3. Pry hetym sieniehalcy prajhrali try z čatyroch matčaŭ turniru, vyjšaŭšy ŭ płej-of dziakujučy adzinaj pieramozie nad zbornaj Iraka — 5:0.
Paśla zakančeńnia turniru Fiederacyja futbołu pryniała rašeńnie zvolnić hałoŭnaha treniera nacyjanalnaj zbornaj Papa Tyjava.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary