Kreml nie maje namieru praciahvać dziejnuju damovu ab raźmiežavańni paŭnamoctvaŭ pamiž Rasijaj i Tatarstanam abo zaklučać novuju.
Pra heta paviedamili rasijskija ŚMI.
Tatarstan mieŭ śpiecyjalnuju damovu ź fiederalnym centram ad 1994 hoda. Jana praduhledžvała prava aŭtanomii vałodać svaimi pryrodnymi resursami i mieć svoj Nacyjanalny bank. Akramia taho, Tatarstan mieŭ simvaličnaje prava vydavać svaim hramadzianam układku ŭ pašpart na tatarskaj movie z hierbam Tatarstana.
Tatarstan — rasijskaja nacyjanalnaja aŭtanomija z samaj mocnaj ekanomikaj i śviadomaściu.
Asnovu haspadarki Tatarstana składaje mocnaja pramysłovaść (KamAZ i chimičnyja zavody Kazani), a taksama zdabyča nafty i hazu («Tatnafta»).
Nacyjanalnaja tojesnaść hruntujecca na pamiaci pra mahutnuju tatarskuju dziaržavu Siaredniaviečča — Vołžskuju Bułharyju.
Tatary — ciurkamoŭny narod, ale cikava, što mnohija ź ich — rusavałosyja jeŭrapieoidy. Tatary — musulmanie, u adroźnieńnie ad pravasłaŭnych rasiejcaŭ.
Płošča Tatarstana składaje kala 67 tys. kv. km — jon u try razy mienšy za Biełaruś. Praŭda, Tatarstan całkam atočany Rasiejaj, nie maje vychadu da mora ci inšych dziaržaŭ. Nasielnictva — 3,9 młn čałaviek.
Tatarskija karani majuć spartoŭcy Marat Safin, Rynat Dasajeŭ i Zinetuła Bilaletdzinaŭ, biznesoviec Rynat Achmietaŭ, akciorka Čułpan Chamatava. Tatarskaha rodu i były ministr zamiežnych spraŭ Biełarusi Urał Łatypaŭ, jaki naradziŭsia ŭ tatarskaj vioscy i vučyŭsia ŭ tatarskaj škole ŭ Baškartastanie.
Paśla raspadu SSSR dola tatar u nasielnictvie Tatarstana vyrasła z 48 da 53%.
Varta adznačyć, što ŭ samim Tatarstanie žyvie 2 młn tataraŭ, a jašče 3 młn pradstaŭnikoŭ hetaha etnasu raściarušanyja ŭ Rasii za miežami aŭtanomii. Mnohija ź ich stracili movu i nacyjanalnyja asablivaści, zachoŭvajučy, adnak, tatarskija imiony i dalokuju rodavuju pamiać.
Siarod inšych rasijskich aŭtanomij, tolki čuvašy i niekatoryja narody Kaŭkaza majuć bolšaść u miežach aŭtanomii.
U astatnich rehijonach karennyja narody pieratvarylisia ŭ mienšaść na ŭłasnaj ziamli.
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary