Prykładna za 35 marskich milaŭ ad uźbiarežža Turcyi ŭ Čornym mory zahareŭsia tankier Virat, jaki išoŭ pad ściaham Kamorskich astravoŭ. Raniej paviedamlałasia, što anałahičny los napatkaŭ tankier Kairos pad ściaham Hambii.
Virat znachodzicca pad sankcyjami Jeŭrasajuza, ZŠA, Vialikabrytanii, Kanady i Šviejcaryi, Kairos — pad sankcyjami ES, Brytanii i Šviejcaryi. Choć hetyja tankiery farmalna chodziać pad ściahami Kamorskich astravoŭ i Hambii, nasamreč, pavodle źviestak ukrainskaj raźviedki, jany naležać rasijanam.
Dakładnyja pryčyny mierkavanych vybuchaŭ i pažaraŭ na abodvuch tankierach pakul nie viadomyja.
Z-błohiery pišuć, što sudna mahło być atakavanaje piaćciu biezekipažnymi katarami prykładna za 35 marskich milaŭ ad bieraha ŭ Čornym mory. U vyniku traplańnia było nibyta paškodžana mašynnaje adździaleńnie.
Va ŭpraŭleńni tureckaha marachodstva paviedamili, što stan 19 členaŭ ekipaža narmalny, ale ŭ mašynnym adździaleńni nazirajecca zadymleńnie.
Tureckaje ŭpraŭleńnie sudnachodstva ŭdakładniaje, što Kairos haryć prykładna za 28 marskich milaŭ (bolš za 50 km) ad tureckaha bieraha, Virat — na ŭschod ad jaho, prykładna za 35 milaŭ (kala 65 km) ad tureckaha bieraha.
Da najbližejšaha punktu ŭkrainskaha ŭźbiarežža ad hetaha rajona — bolš za 350 km.
Na miesca abodvuch zdareńniaŭ nakiravanyja ratavalniki. Pavodle infarmacyi tureckich uładaŭ, členy abodvuch ekipažaŭ evakujavanyja.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary