Kamaroŭka rezka apuścieła. Što tam možna nabyć u apošnija dni vosieni, dzie čarešni pa 300 rubloŭ
Da kalandarnaj zimy zastałosia zusim trochi. Kupić siezonnyja sadavinu i harodninu na rynku ŭsio jašče mahčyma. Adnak jość peŭnyja pytańni z asartymientam.
Žurnalisty Tochka.by u piatnicu zajechali na Kamaroŭku. Hladzim, što kolki kaštuje i jakija adbylisia źmieny.
Adrazu adznačym, što siezonny rynak źbiadnieŭ. Na niekalkich radach, dzie jašče zusim niadaŭna bojka pradavali biełaruskija ahurki, pamidory i hryby, ciapier — pustata. Navat niejak sumna.
Ale raduje, što ŭžo źjavilisia handlary navahodnimi cackami.
«Vielmi pryhožyja śniehiry», — hučna raschvalvała žančyna pradukcyju.
Pahodzimsia, niekatoryja cacki byli vielmi ničoha. Ceny — ad Br0,5 da Br50.
U cełym pakupniki ŭsio ž taki byli. Mnohija viedajuć, dzie pradajuć harodninu pa pryjemnych cenach. Kala hetych pryłaŭkaŭ narod navat toŭpiŭsia.
«Budzie vam poŭny džynhł bełs», — źjedliva adznačała adna z pradavačak. Mahčyma, jana pazajzdrościła, što jaje handlovaje miesca nie takoje jarkaje ŭ paraŭnańni ź inšymi.
Bulba, jak zvyčajna, jość roznych hatunkaŭ — i na draniki parajać, i na piure. Samy tanny varyjant kaštuje Br0,99, daražejšy — Br2,5.
Ceny na inšuju papularnub harodninu: kapusta biełakačannaja — pa Br0,99—2,99, cybula — pa Br1,5—3,5, morkva — pa Br0,8—4, buraki — pa Br0,99—4. Usio stabilna.
Zatoje pamidoraŭ i ahurkoŭ ad fiermieraŭ praktyčna niama.
Ceny na tamaty pa rynku — u dyjapazonie Br3,5—29 za 1 kh. Z ahurkami jašče składaniej — treba chadzić ich šukać. Usio ž taki znajšli tannyja varyjanty ŭsiaho za Br5, samyja darahija — Br14,9.
Vybar piercaŭ krychu bolšy. Za kiło ŭ vas paprosiać ad Br2,5. Bakłažany taksama ŭ najaŭnaści. Cana na hetuju harodninu — Br5,9—9,9.
Košt saleńniaŭ taksama praktyčna nie źmianiŭsia. U niekatorych pradaŭcoŭ možna znajści krychu tańniejšyja ahurki — Br6 za 1 kh, ale jość i darahija — za Br15. Kvašanaja kapusta kaštuje Br5,99—12.
Zvyčajnaja zielanina abydziecca ŭ Br14—25 za kiło. Hryboŭ amal nie zastałosia. Šampińjony pradajucca pa Br8—12.
Što tyčycca časnaku, to jaho addajuć pa Br13,9—25 za 1 kh. Usio jašče šmat roznych harbuzoŭ, kaštujuć Br2—6.
Vielmi tannych ananasaŭ, jak u minułyja pachody na Kamaroŭku, niama. Ciapier treba budzie zapłacić Br9,9—35 za 1 kh.
Krychu padaražeŭ vinahrad. Jaho addajuć pa Br4,9—35,9. Varyjantaŭ pa Br2 užo niama.
Zatoje cytrusavyja ŭsio jašče pa pryjemnych cenach. Apielsiny kaštujuć Br4,9—17,9, limony — Br4,9—40, mandaryny — Br3,9—25.
Taksama jość vielmi tannyja banany za Br3,9—6,9 i churma za Br2,5—20.
Niekatoryja ceny zastalisia stabilnymi. Jabłyki kaštujuć Br3,5—10 za 1 kh, hrušy — Br8—12, fiejchoa — Br4,9—35.
U niekatorych pradaŭcoŭ možna adšukać tannaje kivi ŭsiaho pa Br4,9. Apošnija bruśnicy pa Br11,9 za 1 kh.
Čarešni z Čyli pa 300 rubloŭ.
Kamientary