Novy siezon ukrainskaj viersii mižnarodnaha śpieŭnaha konkursa «Ch-faktar» aktyŭna šturmujuć viadomyja biełaruskija muzyki.
Acenku vakalnym zdolnaściam udzielnikaŭ hetym razam daje całkam abnoŭleny skład žury. U čaćviorku sudździaŭ uvachodziać pradziusar Kanstancin Mieładze, šoŭmien Andrej Daniłka (Vierka Siardziučka), eks-lidar Quest Pistols Anton Saŭlepaŭ i vakalistka papularnaha va Ukrainie hurtu The Hardkiss Julija Sanina.
Z pačatku novaha siezona ŭ papularnym telešoŭ užo paśpieli ŭziać udzioł čaćviora niebieźviadomych biełaruskich muzykaŭ.
Pavieł Arakielan («Krambambula»)
U pradmovie ani słoŭca pra ŭdzieł saksafanista ŭ novaj «partyzanskaj» «Krambambuli» i dośviedzie pracy viadoŭcam telešoŭ («Fitnies-Šmitnies» na «Biełsacie»). Usio dosyć «ścipła» — «fitnes-instruktar ź Minska» pad ułasny akampaniemient na kłavišach zaciahvaje ź firmovaj chrypcoj «bu-bu-buj, bu-buj, bu-buj…».
«Dziadzia Vania» (Ivan Vabiščevič)
Bolš viadomy jak televiadoŭca Ivan Vabiščevič praciahvaje hastralavać pa roznaha kštałtu śpieŭnych konkursach. Dahetul byli «Novaja chvala» ŭ Jurmale, ukrainskaja i rasijskaja viersii šoŭ «Hołas». Hetym razam «Diadia Vania» ŭ skuranym kiłcie «zrabiŭ ščaślivymi» ŭkrainskich hledačoŭ i sudździaŭ dziakujučy aŭtarskaj pieśni.
Bierta (Natalla Biertaš)
Žurnalistka i śpiavačka Bierta zrabiła staŭku na «Kapitał» «Lapisa Trubiackoha», jaki vykanała ŭ aryhinalnaj łaŭnž-viersii. Mierkavańnie žury padzialiłasia.
Uładzimir Kazłoŭ (Re1ikt)
«Elektryk z 10-hadovym stažam ź Minska», vakalist uhanaravanaha nie adnoj rok-premijaj hurta Re1ikt Uładzimir Kazłoŭ niečakana pieraśpiavaŭ Robi Uiljamsa «Feel». Sudździ byli pačali krytykavać minčuka za «zališniuju intelihientnaść i vychavanaść», bo da rešty prydziercisia nie dali rady.
Ciapier usich biełaruskich udzielnikaŭ čakajuć vyprabavańni trenirovačnaha łahiera.
-
Śpiavačka Lera Jaskievič padzialiłasia bolem: «Mahčyma, ja nie zmahu vypuskać pieśni pad svaim imiem». Što zdaryłasia?
-
Ci budzie hurt «Piatla prychilnaści» praciahvać vystupać z novym vakalistam, bieź Illi Čarapko?
-
«Usie pieśni vydalenyja». Papularnaja błohierka Andžyliša pasvaryłasia z kampanijaj, źviazanaj ź niaviestkaj Łukašenki
Kamientary