Z 20 červienia da 20 žniŭnia pryjdziecca płacić 20 jeŭra za ŭjezd na lehkavym aŭtamabili ŭ Nierynhu, litoŭski kurortny horad u Kłajpiedskim paviecie na Kuršskaj kasie. Sabranyja srodki, pa słovach mera, buduć pryznačanyja dla dobraŭparadkavańnia horada, piša Delfi.
Prykładna 100 tysiač aŭtamabilaŭ za lipień i žnivień ujazdžajuć u Nierynhu, tamu patoki, pa słovach mera Darusa Jasajcisa, nieabchodna źnižać. Akramia hetaha, miescaŭ stajanki aŭtamabilaŭ u Nierynzie ŭsiaho 2000.
Pa słovach mera, usie sabranyja srodki buduć pryznačanyja dla dobraŭparadkavańnia horada. Jasajcis padličyŭ, što skošvańnie hazonaŭ, nahlad za plažami, ich padrychtoŭka da siezonu, utylizacyja śmiećcia i inšyja raboty, źviazanyja z nahladam za horadam, abychodziacca prykładna ŭ 1,5 młn jeŭra, jašče kala 300 000 sychodzić na vyvaz śmiećcia. Praŭda, tyja, chto pryjazdžaje na elektramabilach, nie buduć płacić, jak i tyja, chto prybyvaje na vodnym transparcie.
Pra mahčymaść uvieści płatu za ŭjezd zahavaryli i žychary Karkle. Praŭda, samakiravańnie Kłajpiedskaha rajona skazała, što nie abmiarkoŭvaje takuju mahčymaść, padrychtavany tolki čarnavik padatkaabkładańnia stajanki aŭtamabilaŭ. Pryparkavać aŭtamabil u Karkle i nad abryvam Olando kepurė budzie kaštavać 30 centaŭ, uznos buduć źbirać z 1 maja da 15 vieraśnia. Ułada Kłajpiedskaha rajona nastrojenaja jak maha chutčej uzakonić padatkaabkładańnie, ale ci paśpiejuć zrabić heta jašče sioleta, nieviadoma.
Ciapier čytajuć
Kudy ciapier jeduć vučycca biełaruskija studenty — top krain i tendencyj14
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary